News August 16, 2024
சுனிதாவின் அரசியல் பயணம் முடிவுக்கு வரலாம்: சிசோடியா
கெஜ்ரிவால் விடுதலையானதும், அவரது மனைவி சுனிதாவின் அரசியல் பயணம் முடிவுக்கு வரலாம் என மனீஷ் சிசோடியா கூறியுள்ளார். கெஜ்ரிவால் சிறையில் இருந்த நேரத்தில் கட்சியின் வளர்ச்சிக்கு சுனிதா பாலமாக செயல்பட்டதாக தெரிவித்த அவர், சுனிதாவின் பரப்புரை பேச்சுக்களை பார்த்து தான் ஆச்சரியப்பட்டதாகவும் வியப்பு தெரிவித்தார். 17 மாத சிறைவாசத்துக்கு பிறகு கடந்த வாரம் சிசோடியா ஜாமினில் விடுதலையானார்.
Similar News
News November 7, 2025
அதிமுகவிலிருந்து யாருனாலும் போகட்டும்: வைகைச்செல்வன்
அதிமுகவிலிருந்து செங்கோட்டையனும் அவரது ஆதரவாளர்களும் நீக்கப்பட்டது குறித்து வைகைச்செல்வன் கருத்து தெரிவித்துள்ளார். அதிமுகவில் இருந்து யார் வேண்டுமானாலும் போகட்டும், கவலை இல்லை என்ற அவர், எஃகு கோட்டையாக விளங்கும் அதிமுகவில் இருந்து 2 பேர் விலகினால் எந்த பாதிப்புகளும் இல்லை எனவும் கூறியுள்ளார். மேலும், அதிமுகவில் ஒரு இலை உதிர்ந்தால் இரண்டு இலைகள் துளிர்க்கும் என்றும் அவர் பேசியுள்ளார்.
News November 7, 2025
தமிழக அரசின் குற்றச்சாட்டுகள் ஆதாரமற்றவை
சட்டமன்றத்தில் நிறைவேற்றப்பட்ட மசோதாக்களுக்கு கவர்னர் ஒப்புதல் அளிக்க தாமதம் செய்து வருவதாக தமிழக அரசு தரப்பில் குற்றச்சாட்டு வைக்கப்பட்டது. ஆனால், இது ஆதாரமற்ற குற்றச்சாட்டு என கவர்னர் மாளிகை விளக்கம் அளித்துள்ளது. அக்.31-ம் தேதி வரை பெறப்பட்ட மொத்த மசோதாக்களில் 81% ஒப்புதல் அளிக்கப்பட்டதாகவும், கடந்த 3 மாதங்களுக்குள் 95% மசோதாக்களுக்கு ஆளுநர் ஒப்புதல் வழங்கியுள்ளதாகவும் தெரிவிக்கப்பட்டுள்ளது.
News November 7, 2025
ராஜினாமா பண்ணலாம்னு இருந்தேன்: சத்யபாமா
ஒருங்கிணைப்பு பற்றி பேசியதால்தான் அதிமுகவில் இருந்து நீக்கப்பட்டதாக Ex MP சத்யபாமா தெரிவித்துள்ளார். தானே ராஜினாமா கடிதம் கொடுக்க இருந்ததாகவும், அதற்குள் EPS கட்சியில் இருந்து நீக்கியதாகவும் அவர் கூறியுள்ளார். மேலும், நல்லது சொன்னால் அனைவரையும் கட்சியில் இருந்து நீக்குவதாகவும், EPS-ன் இந்த நடவடிக்கைகளுக்கு பயந்து யாரும் கருத்துகளை சொல்வதில்லை எனவும் அவர் குற்றஞ்சாட்டியுள்ளார்.