News August 11, 2024
இந்தியாவில் அடுத்த மாதம் உலக மகளிர் கபடி தொடர்
உலக மகளிர் கபடி தொடர், முதல் முறையாக இந்தியாவில் நடைபெற உள்ளது. தமிழர்களின் பாரம்பரிய விளையாட்டுகளில் கபடியும் ஒன்று. இந்த நிலையில், கபடியை பிரபலப்படுத்தும் நோக்கில், அடுத்த மாதம் ஹரியானாவில் உலக மகளிர் கபடி தொடர் நடத்தப்பட உள்ளது. இதில் 15 நாடுகளைச் சேர்ந்த வீராங்கனைகள் பங்கேற்று விளையாட உள்ளனர். கபடிக்காக உலக அளவில் ஒரு தொடர் நடத்தப்படுவது இதுவே முதல்முறை என்பது குறிப்பிடத்தக்கது.
Similar News
News March 10, 2026
புகழ்பெற்ற வரலாற்று ஆசிரியர் காலமானார்
நாட்டின் தலைசிறந்த வரலாற்று ஆசிரியர்களின் ஒருவரான KN பணிக்கர்(89) இன்று காலமானார். கேரளாவைச் சேர்ந்த அவர், நவீன இந்தியா, இந்தியாவின் மார்க்சிய வரலாறு தொடர்பாக எண்ணிலடங்கா நூல்களை எழுதியுள்ளார். அவரது 90-வது பிறந்தநாளை அடுத்த மாதம் சிறப்பாக கொண்டாட கேரள வரலாற்று ஆராய்ச்சி கவுன்சில் முடிவு செய்திருந்த நிலையில், மறைந்தது பெரும் சோகம். பணிக்கர் மறைவுக்கு தலைவர்கள் இரங்கல் தெரிவித்து வருகின்றனர். RIP
News March 10, 2026
இரவில் அரிசி சாப்பிட்டால் உடல் எடை அதிகரிக்குமா?
இரவில் வளர்சிதை மாற்றம் குறைவதால், அரிசி சாப்பிட்டால் கொழுப்பு திரட்டலின் காரணமாக உடல் எடை அதிகரிக்கும் எனக் கூறப்படுகிறது. அறிவியலாக இதை அணுகுவோம். எடை அதிகரிப்பு என்பது உட்கொள்ளும் கலோரிகளுக்கும், எரிக்கப்படும் கலோரிகளுக்கும் உள்ள சமநிலையை பொறுத்து அமைவதாகும். இரவில் உடலின் செயல்பாடு குறையுமே தவிர, நிற்காது. அதனால், குறைவான கலோரிகளை எடுத்துக் கொள்ள அறிவியல் பூர்வமாக அறிவுறுத்தப்படுகிறது.
News March 10, 2026
விஜய்க்கு அழைப்பு விடுத்த பாஜக நிர்வாகி பதவி நீக்கம்
தமிழக பாஜக மாநில செய்தித் தொடர்பாளர் பொறுப்பில் இருந்து A.N.S.பிரசாத் நீக்கப்பட்டுள்ளார். NDA-வில் இணையுமாறு விஜய்க்கு கூட்டணி அழைப்பு விடுத்திருந்த நிலையில் அவர் கட்சி பதவியில் இருந்து விடுவிக்கப்பட்டுள்ளார். மேலும், சட்டமன்ற தேர்தல் மாநில பணிக்குழுவில் அவருக்கு அளிக்கப்பட்ட ஊடகத்துறை பொறுப்பாளர் என்ற பொறுப்பிலிருந்தும் விடுவிக்கப்படுவதாக நயினார் நாகேந்திரன் அறிவித்துள்ளார்.