News August 9, 2024
காஷ்மீரில் விரைவில் தேர்தல்: ராஜீவ் குமார்
காஷ்மீரில் விரைவில் தேர்தல் நடத்தப்படும் என, தலைமைத்தேர்தல் ஆணையர் ராஜீவ்குமார் தெரிவித்தார். ஜம்முவில் தேர்தல் பணிகள் குறித்து ஆய்வு நடத்திய பின் பேட்டியளித்த அவர், தேர்தலை சீர்குலைக்க நினைக்கும் சக்திகளை, மக்கள் தோற்கடிப்பார்கள் என்றார். எத்தகைய சூழலையும் எதிர்கொள்ளும் வலிமை, நமது ராணுவத்திற்கு உள்ளதென்றும் குறிப்பிட்டார். அங்கு, செப்.30க்குள் தேர்தல் நடத்த உச்சநீதிமன்றம் அறிவுறுத்தியுள்ளது.
Similar News
News December 27, 2025
IAS அதிகாரிகளுக்கு வார்னிங்
2026, ஜன.31-க்குள் அசையா சொத்து விவரங்களை சமர்ப்பிக்க தவறும் IAS அதிகாரிகள் மீது ஒழுங்கு நடவடிக்கை எடுக்கப்படும் என மத்திய அரசு எச்சரித்துள்ளது. 2017-ல் இருந்து IAS அதிகாரிகளின் சொத்து விவரங்கள் இணையவழியில் பெறப்பட்டு வருகின்றன. குறிப்பிட்ட கால அவகாசத்தில் சொத்து விவரங்களை பதிவேற்றம் செய்யும் IAS அதிகாரிகளுக்கு மட்டுமே ஊதிய உயர்வு வழங்கும் வகையில் விதிகளில் திருத்தம் கொண்டு வரப்பட்டுள்ளது.
News December 27, 2025
விஜய் உண்மையான தளபதி, மற்றவர்கள் வெட்டி தளபதி: KAS
2026 தேர்தலில் 234 தொகுதிகளிலும் தவெக வெல்லும் என செங்கோட்டையன் தெரிவித்துள்ளார். திருப்பூரில் பேசிய அவர், பல விவகாரங்களுக்கு விஜய் வாய் திறப்பதில்லை என சிலர் விமர்சிக்கின்றனர்; ஆனால், நேரம் வரும்போது அவர் பேசுவார் என்று குறிப்பிட்டார். படைக்குத் தலைமை வகிப்பவர், வென்று நாட்டை ஆள்பவரே தளபதி என்று கூறிய அவர், விஜய் தான் உண்மையான தளபதி எனவும், மற்றவர்களெல்லாம் வெட்டி தளபதி என்றும் விமர்சித்தார்.
News December 27, 2025
வாக்காளர்களை சேர்க்க 2 நாள்கள் சிறப்பு முகாம்!
வாக்காளர் பட்டியலில் பெயர் சேர்ப்பதற்கான சிறப்பு முகாம் தமிழகம் முழுவதும் இன்றும், நாளையும் நடைபெறுகிறது. அதன்படி, 75,000 பூத்துகளிலும் வரைவு வாக்காளர் பட்டியலில் இடம்பெறாதவர்கள், 18 வயது நிரம்பியவர்கள் விண்ணப்பிக்கலாம். அதேபோல், வாக்காளர் பட்டியலில் உள்ள பெயர்களுக்கு ஆட்சேபம் தெரிவிக்கவோ (அ) பெயரை நீக்கவோ படிவம் 7-ஐ பூர்த்திசெய்ய ECI அறிவுறுத்தியுள்ளது. இதை மற்றவர்களுக்கும் SHARE பண்ணுங்க.