News August 9, 2024
புதுவையில் ஐகோர்ட் உத்தரவை மீறி பேனர்
புதுச்சேரியில் முதல்வர் ரங்கசாமி பிறந்தநாளை ஒட்டி பேனர்கள் வைக்கப்பட்டுள்ளது. இந்த பேனர்கள், கட் அவுட்கள் ஐகோர்ட் உத்தரவை மீறி வைக்கப்பட்டுள்ளன. எனவே நடவடிக்கை எடுக்கக் கோரி சென்னை உயர்நீதிமன்ற பதிவாளருக்கு புதுச்சேரி தலைமை நீதிபதி சந்திரசேகரன் கடிதம் எழுதியுள்ளார். நீதிமன்ற வழிகாட்டுகளை கடைபிடிக்காத அதிகாரிகள்மீது உடனடியாக சட்ட நடவடிக்கை எடுக்க கடித்ததில் வலியுறுத்தப்பட்டுள்ளது.
Similar News
News December 25, 2025
புதுச்சேரி: கிறிஸ்துமஸ் பண்டிகையில் முதலமைச்சர்
புதுச்சேரி, கிறிஸ்துமஸ் பண்டிகையை முன்னிட்டு புதுச்சேரி புனித பாத்திமா அன்னை ஆலயத்தில், இன்று காலை நடைபெற்ற சிறப்பு திருப்பலியில் முதலமைச்சர் ரங்கசாமி கலந்து கொண்டார். திருப்பலிக்கு பெருமளவில் மக்கள் திரண்டிருந்தனர். பின்னர், இருந்த பொதுமக்கள் மற்றும் பணியாளர்களும் முதலமைச்சருக்கு ஆசீர்வாதம் வழங்கினர். கிறிஸ்துமஸ் வாழ்த்துக்களை தெரிவித்தார்.
News December 25, 2025
புதுவை: பொங்கலுக்குள் பல்வேறு திட்டம்!
“தேசிய ஜனநாயகக் கூட்டணி அரசு பொறுப்பேற்ற பிறகு, இதுவரை சுமார் 5 ஆயிரம் பணியிடங்களை நிரப்பி உள்ளோம். பொங்கலுக்குள் இடைநிலை ஆசிரியர்கள், 256 செவிலியர்கள் பணியிடங்களை நிரப்ப உள்ளோம். மாணவர்களுக்கான லேப்-டாப் பொங்கலுக்குள் வழங்கப்படும். கல் வீடு கட்டும் திட்டத்துக்கு 1700 பேருக்கு பொங்கலுக்குள் முதல் தவணைத் தொகை தரப்படும். மத்திய அரசு நமக்கு கூடுதல் நிதியை தரவுள்ளது.” என முதலமைச்சர் தெரிவித்துள்ளார்.
News December 25, 2025
புதுச்சேரியில் மேலும் தடை நீட்டிப்பு
குழந்தைகளின் ஆரோக்கியத்தை பாதுகாக்கும் நோக்கில், புற்றுநோயை உண்டாக்கும் தன்மை கொண்ட ரோடமைன் பி நிறமி கலந்த பஞ்சு மிட்டாய் உள்ளிட்ட உணவுப் பொருட்களின் உற்பத்தி, சேமிப்பு மற்றும் விற்பனைக்கு மேலும் ஒரு ஆண்டுக்கு தடை நீட்டிக்கப்பட்டுள்ளது. புதுச்சேரி உணவு பாதுகாப்புத் துறை வெளியிட்ட உத்தரவில், இத்தடை 2026 டிசம்பர் மாதம் வரை அமலில் இருக்கும் என அறிவிக்கப்பட்டுள்ளது.