News July 25, 2024
பட்ஜெட்டை கண்டித்து திமுக போராட்டம் அறிவிப்பு
மத்திய பட்ஜெட்டை கண்டித்து, தமிழகத்தில் அனைத்து மாவட்டத்தலைநகரங்களிலும் நாளை மறுநாள் ஆர்ப்பாட்டம் நடத்தப்படும் என திமுக அறிவித்துள்ளது. பட்ஜெட்டில் மாற்றாந்தாய் போக்குடன் தமிழகத்தை பாஜக வஞ்சித்துவிட்டதாகவும், வெள்ள பேரிடர் நிதி, மெட்ரோ ரயில் திட்ட நிதியை கூட வழங்கவில்லை எனவும் குற்றஞ்சாட்டியுள்ளது. அத்துடன், தமிழக முதல்வரின் கோரிக்கைகள் முற்றிலும் புறக்கணிக்கப்பட்டுள்ளதாகவும் கூறியுள்ளது.
Similar News
News March 10, 2026
அந்த மனுஷன் கூட நடிக்க முடியாது.. சோனா ஓபன் டாக்!
‘ஆளவிடுங்கடா சாமி, அந்த மனுஷன் கூட நடிக்க முடியாது’ என வடிவேலுவுடன் நடிக்க மறுத்தது குறித்து நடிகை சோனா பேட்டி ஒன்றில் கூறியுள்ளார். ‘குசேலன்’ படத்திற்கு பிறகு வடிவேலுவுடன் நடிக்க 16 பட வாய்ப்புகள் வந்த நிலையில், அவரை தன்னால் ஹேண்டில் செய்ய முடியாது என்பதால் நடிக்க மறுத்ததாக தெரிவித்தார். இதற்கு மேல் எதுவும் பேச முடியாது என குறிப்பிட்ட அவர், சுயமரியாதை முக்கியம் எனவும் கூறியுள்ளார்.
News March 10, 2026
கள்ளச்சந்தையில் ஒரு சிலிண்டர் ₹1,500-க்கு விற்பனை!
இஸ்ரேல் – ஈரான் போர் காரணமாக இந்தியாவில் LPG சிலிண்டர்களுக்கான தேவை பல மடங்காக அதிகரித்துள்ளது. தட்டுப்பாடு ஏற்படுமோ என்ற அச்சத்தில் மக்கள் சில இடங்களில் முன்கூட்டியே சிலிண்டரை வாங்கி வருகின்றனர். இந்நிலையில் கள்ளச்சந்தையில் சிலிண்டரின் விலை அதிகபட்சமாக ₹1,500-ஐ எட்டியுள்ளது. போர் காரணமாக மார்ச் 7-ம் தேதி வீட்டு சிலிண்டர்களின் விலையில் ₹60-ஐ ஏற்கனவே மத்திய அரசு அதிகரித்தது குறிப்பிடத்தக்கது.
News March 10, 2026
அப்படி கூற நா கூசவில்லையா? நயினார்
தமிழகத்தை பெண்கள் அஞ்சி வாழும் பகுதியாக மாற்றிய பாவம் திமுக அரசை சும்மாவிடாது என நயினார் நாகேந்திரன் கூறியுள்ளார். கிருஷ்ணகிரியில் 70 வயது முதியவரை கொன்று, அவரது 60 வயது மனைவியை பாலியல் வன்கொடுமை செய்ததாக வந்துள்ள செய்தி கடும் அதிர்ச்சியளிக்கிறது என்றும், தினமும் பெண்கள் நரக வேதனை அனுபவிக்கும் நிலையில், வெல்லும் தமிழ் பெண்கள் என்று கூற நாகூசவில்லையா CM ஸ்டாலின் எனவும் அவர் கேள்வி எழுப்பியுள்ளார்.