News July 5, 2024
கல்லூரி ஆசிரியர்கள் உண்ணாவிரதம் அறிவிப்பு
தமிழகம் முழுவதும் அரசு நிதி உதவி பெறும் கல்லூரி ஆசிரியர்கள் வரும் 6ஆம் தேதி உண்ணாவிரதப் போராட்டம் நடத்த உள்ளதாக அறிவித்துள்ளனர். கடந்த 4 ஆண்டுகளாக நிறுத்தி வைக்கப்பட்டுள்ள பணி மேம்பாட்டு ஊதிய நிலுவைத் தொகையை வழங்கக் கோரி போராட்டத்தை முன்னெடுக்க உள்ளதாக தெரிவித்துள்ளனர். ஊதியம் வழங்கிட தேவையான நிதி ஏற்கெனவே ஒதுக்கப்பட்டு, அரசாணையும் வெளியிடப்பட்டது. எனினும், நிலுவைத் தொகை இன்னமும் வழங்கப்படவில்லை.
Similar News
News November 29, 2025
சனாதனமயமாகி வரும் நீதி அமைப்பு: திருமாவளவன்
நீதிபதி நியமனத்துக்கான சென்னை HC கொலீஜியத்தின் பரிசீலனையில் உள்ள பட்டியலில் ஒரு ஆதிதிராவிடர் சமூகத்தை சேர்ந்தவர் கூட இல்லாதது சமூக அநீதி என திருமாவளவன் சாடியுள்ளார். நீதிபதிகள் நியமனத்தில் BJP, RSS வழக்கறிஞர்கள் மட்டுமே இடம்பெறுவது, நீதி அமைப்பு சனாதன மயமாகி வருவதை காட்டுவதாகவும் விமர்சித்துள்ளார். எனவே, நீதிபதிகள் நியமனத்தில் சமூக நீதியை நிலைநாட்ட வேண்டும் என்று திருமா வலியுறுத்தியுள்ளார்.
News November 29, 2025
இன்று பள்ளிகளுக்கு இங்கெல்லாம் விடுமுறை
‘டிட்வா’ புயல் எதிரொலியாக இன்று (நவ.29) நாகை, மயிலாடுதுறை, கள்ளக்குறிச்சி, திருவாரூர், புதுக்கோட்டை, கடலூர், புதுச்சேரி, காரைக்காலில் பள்ளி, கல்லூரிகளுக்கு விடுமுறை அளிக்கப்பட்டுள்ளது. அதேபோல், விழுப்புரம், தஞ்சையில் பள்ளிகளுக்கு மட்டும் விடுமுறை விடப்பட்டுள்ளது. மேலும் மழை நிலவரத்தை பொறுத்து, பிற மாவட்டங்களிலும் விடுமுறை அளிக்க கலெக்டர்களுக்கு அறிவுறுத்தப்பட்டுள்ளது. Stay safe மக்களே.
News November 29, 2025
திரைத்துறையில் 8 மணி நேர வேலை: கீர்த்தி சுரேஷ் ஆதரவு
சினிமாவில் 8 மணி நேர வேலை கோரிக்கையை முன்வைத்த தீபிகா படுகோனே கருத்துக்கு, ரஷ்மிகாவை தொடர்ந்து கீர்த்தி சுரேஷும் ஆதரவு குரல் கொடுத்துள்ளார். காலை 9 – மாலை 6 மணி ஷிப்ட் வேலையே ஆரோக்கியமானது என கீர்த்தி கூறியுள்ளார். நடிகர்கள் 10 மணி நேரம் வேலை செய்தால், தொழில்நுட்ப குழுவினர் 12 மணி நேரம் வேலை செய்கின்றனர் என்றார். மேலும் அவர்கள் சில சமயங்களில் 4 மணிநேரம் மட்டுமே தூங்குவதாகவும் சுட்டிக்காட்டினார்.