News July 2, 2024
‘ராயன்’ இசை வெளியீட்டு விழா
தனுஷ் இயக்கி, நடிக்கும் ‘ராயன்’ வருகிற 26ஆம் தேதி வெளியாக உள்ளது. சந்தீப் கிஷன், எஸ்.ஜே.சூர்யா, காளிதாஸ் ஜெயராமன் உள்ளிட்ட பலர் நடித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார். தனுஷின் 50ஆவது படம் என்பதால் ரசிகர்களிடையே எதிர்பார்ப்பு எழுந்துள்ளது. இந்நிலையில், படத்தின் இசை வெளியீட்டு விழா சென்னையில் வருகிற 6ஆம் தேதி நடைபெற உள்ளதாக தகவல் வெளியாகியுள்ளது.
Similar News
News September 21, 2025
ஒன்றுக்கு மேற்பட்ட பேங்க் அக்கவுண்ட் இருக்கிறதா?
ஒன்றுக்கு மேற்பட்ட பேங்க் அக்கவுண்ட்ஸ் வைத்திருந்தாலும், சிலவற்றை நாம் யூஸ் பண்ண மாட்டோம். இந்த யூஸ் பண்ணாத அக்கவுண்ட்ஸ் மூலம் PF, இன்சூரன்ஸ் சேவைகள், ATM, UPI போன்றவற்றை பயன்படுத்த முடியாது. ஆனால், கட்டாயம் இதில் தான் யூஸ் செய்ய வேண்டுமென்றால், அபராத தொகை செலுத்தி, அக்கவுண்ட்டை மீண்டும் Active செய்ய வேண்டியிருக்கும். எனவே, யூஸ் ஆகாது என கருதும் அக்கவுண்ட்டை Close செய்வதே நல்லது.
News September 21, 2025
தவெகவை கண்டு அஞ்சி நடுங்குகின்றனர்: விஜய்
ஒவ்வொரு நாளும் மக்களிடையே தவெகவுக்கு பெருகி வரும் அங்கீகாரத்தை கண்டு பலர் அஞ்சி நடுங்குவதாக விஜய் தெரிவித்துள்ளார். நாகை, திருவாரூர் பரப்புரையில் பங்கேற்ற அனைவருக்கும் X பதிவில் நன்றி தெரிவித்துள்ள அவர், தமிழக மக்களுக்கான முதன்மை சக்தியான நாம், அவர்களுக்காக எதிலும் சமரசம் செய்ய மாட்டோம் என கூறியுள்ளார். புதியதோர் உலகு செய்வோம், கெட்ட போரிடும் உலகத்தை வேரோடு சாய்ப்போம் என்றும் சூளுரைத்துள்ளார்.
News September 21, 2025
விபத்தில் சிக்கினார் நடிகர் ஜோஜு ஜார்ஜ்
பிரபல நடிகர் ஜோஜு ஜார்ஜ் பயங்கர விபத்தில் சிக்கியுள்ளார். மூணாறு அருகே திரைப்பட படப்பிடிப்பின் போது, ஜீப் கவிழ்ந்த விபத்தில், படுகாயமடைந்த ஜோஜு ஜார்ஜுக்கு காலில் எழும்பு முறிவு ஏற்பட்டுள்ளது. உடனடியாக அவரை மீட்டு, சிகிச்சைக்காக தனியார் ஹாஸ்பிடலில் அனுமதித்துள்ளனர். அவருடன் பயணித்த 5 பேருக்கும் பலத்த காயம் ஏற்பட்டதாக கூறப்படுகிறது.