News June 25, 2024
தைவான் எல்லைக்குள் பறந்த சீன போர் விமானங்கள்
தைவான் எல்லைக்குட்பட்ட வான்பரப்பில் 41 சீன போர் விமானங்கள் மேற்கொண்ட ராணுவப்போர் பயிற்சியால் அந்நாட்டில் பதற்றம் ஏற்பட்டுள்ளது. சீனாவின் கட்டுப்பாட்டில் இருந்த தைவான் 1949ஆம் ஆண்டு தனிநாடாக பிரிந்தது. இந்த நிலையில், அந்நாட்டை மீண்டும் தன்னுடன் இணைக்க சீனா அழுத்தம் கொடுத்து வருகிறது. மேலும், தைவானுடன் வேறு எந்த நாடும் தூதரக உறவு வைத்துக்கொள்ளக் கூடாது எனவும் சீனா எச்சரிக்கை விடுத்துள்ளது.
Similar News
News September 18, 2025
GBU விவகாரம்: இளையராஜா பதிலளிக்க உத்தரவு
இளையராஜா தாக்கல் செய்த காப்பிரைட் மனு காரணமாக, Netflix தளத்திலிருந்து ‘குட் பேட் அக்லி’ படம் நீக்கப்பட்டது. இந்நிலையில், இதனால் தங்களுக்கு பாதிப்பு ஏற்பட்டுள்ளதாகவும், இனி படத்தில் மாற்றங்கள் செய்தால் மீண்டும் சென்சார் போர்டில் அனுமதி பெற வேண்டும் என்றும் சென்னை HC-ல் பட தயாரிப்பு நிறுவனம் வாதிட்டது. இதனையடுத்து, இதற்கு இளையராஜா பதிலளிக்க கூறி, செப்.24-க்கு விசாரணை தள்ளி வைக்கப்பட்டுள்ளது.
News September 18, 2025
ஆன்லைன் கேமிங்கால் பறிபோன சிறுவனின் உயிர்
ஆன்லைன் கேமில் பணத்தை இழந்த சிறுவன் தற்கொலை செய்து கொண்ட சம்பவம் சோகத்தை ஏற்படுத்தியுள்ளது. உத்தர பிரதேசத்தை சேர்ந்த பெயிண்டர் ஒருவர், சொந்த நிலத்தை விற்று ₹14 லட்சத்தை அக்கவுண்டில் வைத்திருந்தார். இந்நிலையில், அவரது 13 வயது மகன் ஆன்லைன் கேம் விளையாடி முழு பணத்தையும் இழக்க நேரிட்டுள்ளது. அக்கவுண்டில் பணத்தை காணவில்லை என தந்தை வங்கியில் புகார் அளிக்க, அச்சிறுவன் பயத்தில் விபரீத முடிவெடுத்துள்ளான்.
News September 18, 2025
நடுவர் ஆண்டி பைகிராஃப்ட் மீது தவறில்லை: ஐசிசி
நடுவர் ஆண்டி பைகிராஃப்ட் மீது தவறில்லை என ஐசிசி தெரிவித்துள்ளதாக தகவல் வெளியாகியுள்ளது. இந்திய வீரர்கள் கைகுலுக்க மறுத்ததற்கு, போட்டி நடுவர் ஆண்டி பைகிராஃப்ட் மீது நடவடிக்கை எடுக்க பாக். கிரிக்கெட் வாரியம் வலியுறுத்தியது. இதன் எதிரொலியாக UAE-க்கு எதிரான போட்டியில் விளையாடுவதை அந்த அணி ஒரு மணி நேரம் தாமதப்படுத்தியது. பாக்.கோரிக்கையை மறுத்துள்ள ஐசிசி, குற்றச்சாட்டுக்கு ஆதாரமில்லை என கூறியுள்ளது.