News June 19, 2024
அஜித் பவாரின் மனைவி போட்டியின்றி தேர்வு
மகாராஷ்டிரா துணை முதல்வர் அஜித் பவாரின் மனைவி சுனேத்ரா மாநிலங்களவை எம்.பியாக போட்டியின்றி தேர்வு செய்யப்பட்டுள்ளார். இன்னும் 4 வருட பதவிக்காலம் உள்ள நிலையில், என்சிபியின் பிரபுல் படேல் ராஜினாமா செய்ததால், காலியான பதவிக்கு அவர் போட்டியின்றி தேர்வு செய்யப்பட்டுள்ளார். மக்களவைத் தேர்தலில் சரத்பவாரின் மகள் சுப்ரியா சுலேவை எதிர்த்து போட்டியிட்டு தோல்வியுற்ற அவர், தற்போது மாநிலங்களவை எம்.பி ஆகிறார்.
Similar News
News March 30, 2026
1 கேஸ் சிலிண்டர் ₹6,500.. அதிர்ச்சி தகவல் வெளியானது
கேஸ் சிலிண்டர் தட்டுப்பாடின்றி கிடைக்க நடவடிக்கை எடுத்து வருவதாக மத்திய அரசு தொடர்ந்து விளக்கம் அளித்து வருகிறது. ஆனால், சென்னையில் தட்டுப்பாடு காரணமாக வணிக சிலிண்டர் கள்ளச் சந்தையில் ₹6,500 வரை விற்கப்பட்டு வருவதாக ஹோட்டல் நடத்துபவர்கள் தெரிவிக்கின்றனர். இதனால், உணவு பொருள்களின் விலையை உயர்த்த வேண்டிய நிலை இருப்பதாக அவர்கள் கூறுகின்றனர். உங்க ஊரில் டீ, காஃபி விலை உயர்த்தப்பட்டுள்ளதா?
News March 30, 2026
ஈரான் எண்ணெய் வளத்தை கைப்பற்றுவோம்: டிரம்ப்
ஈரானின் எண்ணெய் வளத்தை கைப்பற்ற விரும்புவதாக டிரம்ப் தெரிவித்துள்ளார். போரை முடிவுக்கு கொண்டுவர அமெரிக்கா – ஈரான் இடையே பேச்சுவார்த்தை நடந்து வருவதாக கூறப்படும் நிலையில், ஈரானின் ஆயில் ஏற்றுமதி மையமாக உள்ள கர்க் தீவை அமெரிக்கா கைப்பற்றக்கூடும் என்று டிரம்ப் தெரிவித்தார். மேலும், மத்திய கிழக்கு பிராந்தியத்தில் அமெரிக்கா தனது ராணுவ இருப்பை அதிகரித்து வருகிறது.
News March 30, 2026
எனது வீழ்ச்சிக்கு இதுவே காரணம்: நடிகர் பரத்
காதல், வெயில், எம்.மகன் போன்ற ஹிட் படங்களை கொடுத்த நடிகர் பரத்தின் கரியர் இன்று சொல்லும்படி இல்லை. இதற்கான காரணம் குறித்து அவர் மனம் திறந்துள்ளார். என்னுடைய கெட்ட நேரம், 555 படத்திற்கு சரியான புரோமோஷன் இல்லாமல், ‘தலைவா’ பட வெளியீட்டு பிரச்னைக்கு நடுவே வெளியானது, நேபாளி படமும் சம்திங் சம்திங்குடன் வெளியாகி தோல்வியை தழுவ, அதன் பிறகு நடித்த படங்களுக்கு புரோமோஷன் இல்லை என வேதனைப்பட்டுள்ளார்.