News June 18, 2024
கேலியும், கிண்டலும் தான் திராவிட மாடல்: தமிழிசை
இந்திய அரசியல் அமைப்பு சட்டத்தின் மீது பிரதமர் மோடி பெரும் மதிப்பு வைத்துள்ளதாக தமிழக பாஜக தலைவர் தமிழிசை தெரிவித்துள்ளார். அரசியல் அமைப்பு சட்டத்தை மோடி வணங்கியதை கிண்டல் செய்வது தான் திராவிட மாடல் என்ற அவர், அரசியலமைப்புச் சட்டம் மாற்றப்படும் என பாஜகவில் யாரும் கூறவில்லை என்றார். 400 இடங்களில் வென்றால் அரசியலமைப்பு சட்டம் மாற்றப்படும் என சில பாஜக தலைவர்கள் கூறியிருந்தது குறிப்பிடத்தக்கது.
Similar News
News April 4, 2026
தங்கம் விலை சவரனுக்கு ₹15,000 குறைந்தது
போர்ச் சூழல் காரணமாக தங்கத்தின் விலை கடந்த 1 மாதமாக பெரும் சரிவை சந்தித்து வருகிறது. அந்த வகையில் மார்ச் 1 முதல் தற்போது வரை தங்கம் விலை சவரனுக்கு ₹15,000 வரை குறைந்துள்ளது. மார்ச் 1-ல் ₹1,26,200-க்கு விற்பனை செய்யப்பட்ட 1 சவரன் தங்கம், இன்றைய நிலவரப்படி ₹1,11,600-க்கு விற்பனையாகிறது. அதேநேரம், ஏப்ரல் தொடங்கிய பிறகு <<19562286>>தங்கம் விலை<<>> மெல்ல மெல்ல அதிகரித்து வருவது குறிப்பிடத்தக்கது.
News April 4, 2026
BREAKING: முடிவை மாற்றும் திருமாவளவன்?
சட்டப்பேரவைத் தேர்தலில் போட்டியிடும் முடிவை திருமாவளவன் மறுபரிசீலனை செய்யவுள்ளதாக கூறப்படுகிறது. காட்டுமன்னார்கோவில் தொகுதியில் தானே களமிறங்குவதாக அவர் அறிவித்திருந்தார். ஆனால், தற்போதுவரை திருமாவளவன் வேட்புமனு தாக்கல் செய்யவில்லை. இந்நிலையில், அவருக்கு பதிலாக விசிக அமைப்புச் செயலாளர் இளமாறன் போட்டியிடலாம் என தகவல் வெளியாகியுள்ளது. விரைவில் இதுகுறித்த அதிகாரப்பூர்வ அறிவிப்பு வெளியாகலாம்.
News April 4, 2026
கேஸ் சிலிண்டர்.. அரசு அதிரடி அறிவிப்பு
நாடு முழுவதும் கேஸ் சிலிண்டர் தட்டுப்பாடு ஏற்படாமல் இருக்க மத்திய அரசு முன்னெச்சரிக்கை நடவடிக்கைகளை எடுத்து வருகிறது. இந்நிலையில், பெட்ரோலிய பொருள்கள், கேஸ் சிலிண்டர்களை பதுக்குவதை தடுக்க நடவடிக்கை எடுக்குமாறு மாநில அரசுகளுக்கு மத்திய அரசு உத்தரவிட்டுள்ளது. கள்ளச் சந்தையில் கூடுதல் விலைக்கு விற்பவர்களை தண்டிக்குமாறும் அறிவுறுத்தப்பட்டுள்ளது. உங்கள் பகுதியில் சிலிண்டர் விநியோகம் சீராக உள்ளதா?