News June 14, 2024
ஆகஸ்ட் மாதம் ‘தமிழ் புதல்வன் திட்டம்’ தொடக்கம்
மாணவிகள் போல் மாணவர்களுக்கும் மாதம் ₹1000 வழங்கும் ‘தமிழ் புதல்வன் திட்டம்’ ஆகஸ்ட் மாதம் தொடங்கப்படும் என முதல்வர் ஸ்டாலின் அறிவித்துள்ளார். சென்னையில் நடந்த ஐம்பெரும் விழாவில் பங்கேற்ற அவர், அரசுப் பள்ளிகளில் படித்துவிட்டு கல்லூரி செல்லும் மாணவர்களுக்கு மாதம் ₹1000 வழங்கப்பட உள்ளதாக கூறினார். தேர்தல் பிரசாரத்துக்கு சென்றபோது புதுமைப்பெண் திட்டத்தை பலரும் பாராட்டியதாக அவர் பெருமிதம் தெரிவித்தார்.
Similar News
News September 12, 2025
₹450 கோடியில் அமையும் தொழிற்சாலைக்கு CM அடிக்கல்
ஓசூரில் ₹450 கோடியில் அமையும் டெல்டா எலக்ட்ரானிக்ஸ் நிறுவனத்தின் விரிவாக்க திட்டங்களுக்கு CM ஸ்டாலின் அடிக்கல் நாட்டினார். பின்னர் நிகழ்ச்சியில் பேசிய அவர், எலக்ட்ரானிக்ஸ் பொருள்கள் ஏற்றுமதியில் தமிழ்நாடு இந்தியாவிலேயே முன்னணி மாநிலமாக திகழ்வதாக கூறினார். டெல்டா எலக்ட்ரானிக்ஸ் நிறுவன விரிவாக்கம் மூலம், 400-க்கும் மேற்பட்டோருக்கு வேலைவாய்ப்பு கிடைக்கும் எனவும் CM உறுதியளித்தார்.
News September 12, 2025
அடுத்த BCCI தலைவர் சச்சினா? அவரே கொடுத்த விளக்கம்
சச்சின் தான் அடுத்த BCCI தலைவர் என கடந்த சில நாள்களாக தகவல் பரவி வந்தது. ஆனால், இந்த தகவலை சச்சின் மறுத்துள்ளார். அவரது SRT Sports Management Private Ltd வெளியிட்ட அறிக்கையில், சச்சின் தொடர்பான வெளியான தகவல் தங்கள் பார்வைக்கு வந்ததாகவும், ஆனால் அவை அனைத்தும் வதந்திகள் என்றும் விளக்கம் அளித்துள்ளது. மேலும், இது போன்ற தவறான தகவல்களை பரப்ப வேண்டாம் என்றும் கேட்டுக் கொண்டுள்ளது.
News September 12, 2025
உத்தராகண்டிற்கு ₹1,200 கோடி நிவாரணம்
கனமழை, வெள்ளத்தால் பாதிக்கப்பட்ட உத்தராகண்ட் மாநிலத்திற்கு PM மோடி ₹1,200 கோடி நிவாரணம் அறிவித்துள்ளார். டேராடூனில் வெள்ளத்தால் பாதிக்கப்பட்ட பகுதிகளை இன்று ஆய்வு செய்த அவர், வெள்ளத்தில் சிக்கி உயிரிழந்தவர்களுக்கு தலா ₹2 லட்சமும், காயமடைந்தவர்களுக்கு தலா ₹50,000 நிவாரணம் வழங்கப்படும் என்றும் தெரிவித்துள்ளார். முன்னதாக, பஞ்சாப்பிற்கு ₹1,500 கோடி, இமாச்சலுக்கு ₹1,600 கோடி அறிவித்து இருந்தார்.