News June 11, 2024
சிங்கத்தை களம் இறக்கும் பிரபு சாலமன்
வனிதாவின் மகன் விஜய் ஸ்ரீஹரி, சினிமாவில் கதாநாயகனாக அறிமுகமாகவுள்ளார். இப்படத்தை பிரபு சாலமன் இயக்கவுள்ளார். இதில், ஸ்பெஷல் என்னவென்றால், பிரபு சாலமனின் மகள் ஹசேல் ஷைனி, இப்படத்தில் கதாநாயகியாக அறிமுகமாகிறார். ப்ரீபுரொடெக்ஷன் பணிகள் தொடங்கி நடைபெற்று வரும் நிலையில், விஜய் ஸ்ரீஹரி வெளிநாடுகளில் சிறப்பு பயிற்சிகள் எடுத்துள்ளார். இப்படத்தில் சிங்கம் முக்கிய காட்சிகளில் இடம்பெறுவதாக கூறப்படுகிறது.
Similar News
News November 11, 2025
BREAKING: 2026-ல் 24 நாள்கள் விடுமுறை.. அரசு அறிவிப்பு
2026-ம் ஆண்டுக்கான பொது விடுமுறை நாள்கள் அட்டவணையை தமிழக அரசு தற்போது வெளியிட்டுள்ளது. அதன்படி, அடுத்தாண்டில் 24 நாள்கள் அரசு விடுமுறையாக அறிவிக்கப்பட்டுள்ளது. புத்தாண்டு, பொங்கல், குடியரசு தினம், தைப்பூசம், மகாவீரர் ஜெயந்தி, ரம்ஜான், புனித வெள்ளி, சுதந்திர தினம், விநாயகர் சதுர்த்தி, காந்தி ஜெயந்தி, ஆயுத பூஜை, தீபாவளி, கிறிஸ்துமஸ் உள்ளிட்ட 24 நாள்கள் விடுமுறை எனத் தெரிவிக்கப்பட்டுள்ளது.
News November 11, 2025
எல்லாருக்கும் ஐடியா கொடுத்தாரு… ஆனா அவருக்கு?
பிஹார் தேர்தல் கருத்துக் கணிப்புகளில் தேர்தல் வியூக நிபுணரான பிரசாந்த் கிஷோரின் ஜன் சுராஜ் கட்சி 0-7 இடங்கள் வெல்லும் என்றும், 9 – 13% வாக்குகள் பெறும் எனவும் கூறப்பட்டுள்ளது. இதையடுத்து, பெரிய கட்சிகளுக்கு எல்லாம் வியூகம் வகுத்துக் கொடுத்து வெற்றிபெற வைத்த பிரசாந்த் கிஷோரால், தன் கட்சிக்கு வெற்றியை தரமுடியவில்லை எனப் பலரும் கருத்து தெரிவிக்கின்றனர். இதுபற்றி உங்களின் கருத்து?
News November 11, 2025
தோட்டா தரணிக்கு செவாலியே விருது அறிவிப்பு
கலை இயக்குநர் தோட்டா தரணிக்கு செவாலியே விருது அறிவிக்கப்பட்டுள்ளது. பிரான்ஸ் நாட்டின் உயரிய விருதான செவாலியே விருதை, நவ.13-ம் தேதி சென்னையில் உள்ள பிரான்ஸ் கலாசார மையத்தில் அவர் பெறவுள்ளார். 2 தேசிய விருதுகள், பத்ம ஸ்ரீ, தமிழ்நாடு அரசின் விருது உள்ளிட்டவற்றை வென்ற அவரது கலைப் பயணத்தில் செவாலியே விருது மேலும் ஒரு மைல்கல்லாக அமைந்துள்ளது. தோட்டா தரணிக்கு பிரபலங்கள் வாழ்த்து தெரிவித்து வருகின்றனர்.