News June 7, 2024
காங்கிரஸுக்கு வெற்றி, மோடிக்கு தோல்வி: ப.சிதம்பரம்
தேர்தல் முடிவுகள் அனைத்து கட்சிகளுக்கும் படிப்பினை என காங்., மூத்த தலைவர் ப.சிதம்பரம் தெரிவித்துள்ளார். இது குறித்து பேசிய அவர், சில மாநிலங்களில் காங்கிரஸுக்கு ஏற்பட்டுள்ள தோல்வி தங்களுக்கு படிப்பினையாக இருப்பதாக கூறினார். மேலும், காங்கிரஸுக்கு தார்மீக வெற்றி கிடைத்திருப்பதாகவும், தோல்வி மோடிக்கு தான் என்றும் தெரிவித்த அவர், பாஜக ஆட்சி நிலைக்குமா? என்பதற்கு காலம்தான் பதில் சொல்லும் என்றார்.
Similar News
News August 9, 2025
கவர்னர் இல.கணேசனுக்கு ICU-வில் சிகிச்சை
வீட்டில் கீழே விழுந்ததில் தலையில் பலத்த காயங்களுடன் நேற்று அப்போலோ ஹாஸ்பிடலில் அனுமதிக்கப்பட்ட நாகாலாந்து கவர்னர் இல.கணேசனுக்கு ICU-வில் தொடர் சிகிச்சை அளிக்கப்பட்டு வருகிறது. நரம்பியல் மற்றும் இதயவியல் டாக்டர்கள் கொண்ட சிறப்புக் குழுவினர் தொடர்ந்து கண்காணித்து வருவதாக தகவல் வெளியாகியுள்ளது. பாஜக Ex தலைவரான இல.கணேசன் உடல்நிலை குறித்து மத்திய அரசு சார்பில் கேட்டறிந்ததாகவும் கூறப்படுகிறது.
News August 9, 2025
‘ராமதாஸுக்கு நல்ல புத்தியை கொடுக்கணும் கடவுளே! ‘
மாமல்லபுரத்தில் பாமக பொதுக்குழு இன்னும் சற்றுநேரத்தில் தொடங்கவுள்ளது. தற்போது பொதுக்குழுவில் பங்கேற்க வந்த பொதுக்குழு உறுப்பினர்களிடம் கையெழுத்து வாங்கப்படுகிறது. இவை அனைத்தும் வீடியோவாகவும் பதிவு செய்யப்படுகிறது. இதற்கிடையில், ‘பொதுக்குழு நடக்கும் இடத்தில் ராமதாஸுக்கு நல்ல புத்தியை கொடுக்கணும் கடவுளே!’ என்று பாமகவினர் பிரார்த்தனை செய்து வருகின்றனர்.
News August 9, 2025
NEP விதி; SEP மதி: அன்பில் மகேஸ் விளக்கம்
தேசிய கல்விக் கொள்கை(NEP) விதி, ஆனால் மாநிலக் கல்விக் கொள்கை(SEP) மதி என அமைச்சர் அன்பில் மகேஸ் விளக்கம் அளித்துள்ளார். NEP-யை காப்பி அடித்து SEP உருவாக்கப்பட்டுள்ளதாக பாஜக தலைவர்கள் விமர்சித்து வரும் நிலையில், ஒரு சில திட்டங்களின் சாயல்கள் ஒன்றாக இருந்தாலும் அதன் செயல்பாடுகள் வேறு என அன்பில் மகேஸ் தெரிவித்துள்ளார். மேலும், பிற்போக்குத்தனமான செயல்பாடுகளுக்கு ஒருபோதும் இடமில்லை என மறுத்துள்ளார்.