News June 4, 2024
மதுரை : 9வது சுற்றில் முன்னிலை வகிக்கும் வெங்கடேசன்
மதுரை நாடாளுமன்ற தொகுதியில் 9வது சுற்றில் ஒரு லட்சம் வாக்குகள் முன்னிலை வகித்து வருகிறார் வெங்கடேசன். மதுரை தொகுதியின் வாக்கு எண்ணிக்கை மதுரை மருத்துவக் கல்லூரி வளாகத்தில் தொடர்ந்து நடைபெற்று வருகிறது. இதில் 9வது சுற்று வாக்குகள் அறிவிக்கப்பட்டுள்ளது. இதில் மார்க்சிஸ்ட் கம்யூனிஸ்ட் கட்சி 21900 வாக்குகள், அதிமுக 11228 வாக்குகள், பாரதிய ஜனதா 11278 வாக்குகள், நாம் தமிழர் கட்சி 5110 வாக்குகள்.
Similar News
News September 11, 2025
மதுரையில் தினமும் ரூ.800 ஊக்கத் தொகையுடன் இலவச பயிற்சி
மதுரையில் தொழிலாளர் துறை சார்பில் நடத்தப்படும் திறன் மேம்பாட்டு பயிற்சியில் சேர கட்டுமானத் தொழிலாளர்கள் விண்ணப்பிக்கலாம். செக்கானுாரணி, கே.புதுார் அரசு தொழிற்பயிற்சி நிலையங்களில் செப்.15 முதல் 21 வரை பயிற்சி நடக்கிறது. பங்கேற்போருக்கு தினமும் ரூ.800 ஊக்கத் தொகை, உணவிற்கு ரூ.150 வழங்கப்படும். விரும்புவோர் எல்லீஸ்நகர் தொழிலாளர் உதவி கமிஷனர் அலுவலகத்தை அனுகலாம். SHARE பண்ணுங்க.
News September 10, 2025
பொதுமக்களிடம் குறைகளை கேட்டறிந்த அமைச்சர்
மதுரை மாநகராட்சிக்குட்பட்ட பல்வேறு பகுதியில் பொதுமக்களை இன்று (செப்.10) தகவல் தொழில்நுட்பவியல் மற்றும் டிஜிட்டல் சேவைகள் துறை அமைச்சர் பழனிவேல் தியாகராஜன் நேரில் சந்தித்து குறைகளை கேட்டறிந்தார். பொதுமக்களுக்கு தேவையான குடிநீர், சுகாதாரம் உள்ளிட்ட அடிப்படை வசதிகள் முறையாக மேற்கொள்ளப்படுகிறதா? என்பது குறித்து கேட்டறிந்த அமைச்சரிடம் பொதுமக்கள் பல்வேறு குறைகளை தெரிவித்தனர்.
News September 10, 2025
மதுரை மதுபான கடைகளை அடைக்க ஆட்சியர் உத்தரவு
ராமநாதபுரம் மாவட்டம் பரமக்குடியில் இமானுவேல் சேகரன் நினைவுதினம் நாளை அனுசரிக்கப்படுகிறது. இமானுவேல் சேகரன் நினைவு தினத்தை முன்னிட்டு, மதுரை மாவட்டத்தில் சட்டம் ஒழுங்குப் பிரச்சினையை பாதுகாக்கும் வகையில், தமிழ்நாடு மாநில வாணிப கழக மதுபான சில்லரை விற்பனை கடைகள், மனமகிழ் மன்றங்களை நாளை (செப்.11) அடைக்க மதுரை மாவட்ட ஆட்சியர் பிரவீன் குமார் உத்தரவு பிறப்பித்துள்ளார்.