News June 4, 2024
டி20 உலகக் கோப்பையில் புதிய சாதனை
இலங்கைக்கு எதிரான டி20 உலகக் கோப்பை போட்டியில், தென்னாப்பிரிக்கா வீரர் அன்ரிச் நோர்ட்ஜே புதிய சாதனை படைத்துள்ளார். அபாரமாக பந்துவீசிய அவர், 4 ஓவர்களில் 7 ரன்கள் மட்டுமே கொடுத்து 4 விக்கெட்டுகளை கைப்பற்றினார். இதன் மூலம், டி20 உலகக் கோப்பை வரலாற்றில் மிகக்குறைவான எகானமி ரேட்டுடன் (1.75) பந்துவீசிய முதல் பவுலர் என்ற பெருமையை பெற்றார். மேலும், போட்டியின் ஆட்டநாயகனாகவும் தேர்ந்தெடுக்கப்பட்டார்.
Similar News
News September 21, 2025
நாங்கள் முழுநேர அரசியல்வாதிகள் அல்ல: கமல்
தங்கள் கட்சியில் யாருமே 24*7 அரசியல்வாதி கிடையாது என மநீம தலைவர் கமல்ஹாசன் தெரிவித்துள்ளார். அனைவருமே வேலை பார்ப்பவர்கள் எனவும், அவர்களின் வேலையை செய்து கொண்டே, மீதமிருக்கும் நேரத்தில் கட்சிப் பணிகளை செய்வார்கள் என்றும் கமல்ஹாசன் கூறியுள்ளார். மேலும், மக்கள் நீதி மய்யம் நூறாண்டுகள் செயல்பட வேண்டும் எனவும், தேர்தல் பிரசாரம் குறித்து கூட்டணி கட்சிகளுடன் ஆலோசிக்க உள்ளதாகவும் தெரிவித்துள்ளார்.
News September 21, 2025
இன்று IND vs PAK: வெற்றி யாருக்கு?
ஆசிய கோப்பை தொடரில் இன்று இந்தியா, பாகிஸ்தான் அணிகள் மோதுகின்றன. முந்தைய போட்டியில் இந்திய வீரர்கள் கைகொடுக்காமல் போனது, தொடரை விட்டு வெளியேறுவோம் என பாக்., மிரட்டியது என பல்வேறு பரபரப்புகளுக்கு மத்தியில் இன்றைய போட்டி நடைபெற உள்ளது. லீக் போட்டியில் தோற்றதற்கு பாக்., பழிதீர்க்குமா அல்லது இந்தியா தனது ஆதிக்கத்தை தொடருமா என்பதை காண ரசிகர்கள் ஆவலுடன் காத்திருக்கின்றனர்.
News September 21, 2025
தமிழகத்தில் 5 நாள்களில் 17 பாலியல் குற்றங்கள்: நயினார்
தமிழகத்தை தலைகுனிய விடமாட்டேன் என்று CM ஸ்டாலின் போலியாக சூளுரைப்பதாக நயினார் நாகேந்திரன் விமர்சித்துள்ளார். TN-ல் கடந்த 5 நாள்களில் மட்டும் 17 பாலியல் வன்கொடுமை குற்றங்கள் நடந்திருப்பதாகவும், அவற்றில் 12 குற்றங்கள் குழந்தைகளுக்கு எதிராக நிகழ்த்தப்பட்டுள்ளதாகவும் அவர் கூறியுள்ளார். பெண்கள், குழந்தைகளுக்கு பாதுகாப்பில்லை என்பது தமிழகத்திற்கு தலைகுனிவு இல்லையா என்றும் அவர் கேள்வியெழுப்பியுள்ளார்.