News May 28, 2024
Ad Blocker செயலிகளுக்கு எதிராக யூடியூப் அதிரடி
யூடியூப் நிறுவனத்திற்கு விளம்பரங்கள் மூலமே அதிக வருவாய் கிடைக்கிறது. இந்நிலையில், சில பயனாளர்கள் Ad Blocker செயலிகளை பயன்படுத்துவது அந்நிறுவனத்திற்கு தலைவலியாக மாறியது. Ad Blocker போன்ற மூன்றாம் தரப்பு செயலிகளை பயன்படுத்த வேண்டாம் என பயனர்களை வலியுறுத்தி வந்த யூடியூப், ஒரு கட்டத்தில் அவர்கள் முழு வீடியோவை பார்க்க முடியாத படி செய்தது. தற்போது, ஆடியோவை மியூட் செய்யும் நடவடிக்கையில் இறங்கியுள்ளது.
Similar News
News August 21, 2025
அண்ணா, MGR வழி விஜய்க்கு கைகொடுக்குமா?
அண்ணா & MGR போன்று விஜய் அரசியலில் நீண்ட பயணம் கொண்டவர் அல்ல என்பதே அரசியல் விமர்சகர்களின் கருத்தாக உள்ளது. ‘நற்பணி மன்றம், மக்கள் இயக்கம் மூலம் நாங்க அப்பவே அப்பிடி’ என Virtual warriors கூறினாலும், இரு ஆளுமைகளின் அரசியல் பயணம் பெரிதே என்கின்றனர். அதேநேரம், 1967-ல் திமுக கூட்டணியில் 8 கட்சிகள், 1977-ல் அதிமுகவுடன் CPI, CPM கூட்டணியில் இருந்தன. தவெகவுக்கு பெரும் சவாலாக மாறுமா 2026 தேர்தல்?
News August 21, 2025
தடகளம்: பதக்கங்களை குவிக்கும் தமிழக வீரர்கள்
64-வது தேசிய சீனியர் தடகள சாம்பியன்ஷிப் போட்டிகள் சென்னையில் நடைபெற்று வருகிறது. ஆடவருக்கான போல் வால்ட்டில் கவுதம், ரீகன், கமல் ஆகியோர் முறையே தங்கம், வெள்ளி, வெண்கலம் ஆகிய பதக்கங்களை வென்று புது சாதனை படைத்துள்ளனர். 100 மீ ஓட்டத்தில் தமிழரசு, ராகுல் ஆகியோர் தங்கம், வெண்கலப் பதக்கங்களை வென்றனர். மகளிருக்கான 100 மீ ஓட்டத்தில் தனலெட்சுமி, அபிநயா ராஜராஜன் தங்கம், வெள்ளிப் பதக்கங்களை வென்றுள்ளனர்.
News August 21, 2025
பெரிய வாக்கு வங்கி மதிமுகவுக்கு இல்லை: வைகோ
தமிழக அரசியல் வரலாற்றில் தனது பெயர் இடம்பெறும் என்ற நம்பிக்கை தனக்கு உள்ளதாக வைகோ கூறியுள்ளார். திருவான்மியூரில் நடைபெற்ற கட்சி பொதுக்கூட்டத்தில் பேசிய அவர், 2026 தேர்தலிலும் திமுக உடனான கூட்டணி நீடிக்கும் என்றார். திமுகவுக்கு இருக்கும் பெரிய வாக்கு வங்கி மதிமுகவுக்கு இல்லை என்றாலும், மதிமுக தொண்டர்கள் வீரர்கள் போல் உறுதியானவர்கள் என தெரிவித்துள்ளார். 2026 தேர்தலில் மதிமுகவின் செல்வாக்கு உயருமா?