News May 26, 2024
அடுத்த 5 நாள்களுக்கு வெப்ப நிலை அதிகரிக்கும்
தமிழகத்தில் நாளை முதல் 5 நாள்களுக்கு வெப்பம் படிப்படியாக உயரக்கூடும் என சென்னை வானிலை ஆய்வு மையம் எச்சரித்துள்ளது. கடந்த சில நாள்களாக மழை பெய்து வந்த நிலையில், காற்றின் ஈரப்பதம் காரணமாக தமிழகத்தில் அடுத்த 5 நாள்களுக்கு வெப்ப நிலை 2-3 டிகிரி செல்சியஸ் வரை உயரக் கூடும் எனக் கூறப்பட்டுள்ளது. சென்னையில் அதிகபட்ச வெப்பநிலை 39 டிகிரி செல்சியஸை ஒட்டி பதிவாகும் என வானிலை ஆய்வு மையம் கூறியுள்ளது.
Similar News
News November 27, 2025
புயல் எச்சரிக்கை: 10 மாவட்ட பள்ளி மாணவர்களுக்கு அலர்ட்
‘டிட்வா’ புயல் எதிரொலியாக நாளை (நவ.28) திருவாரூர், நாகை, தஞ்சை, புதுகைக்கு ரெட் அலர்ட் விடுக்கப்பட்டுள்ளது. மேலும், மயிலாடுதுறை, அரியலூர், திருச்சி, சிவகங்கை, ராமநாதபுரம், திண்டுக்கல்லில் ஆரஞ்சு அலர்ட் விடுக்கப்பட்டுள்ளது. காலையில் மழை அளவை பொறுத்து அங்கு பள்ளிகளுக்கு விடுமுறை அளிக்கப்படலாம். இல்லையெனில், பள்ளி செல்லும் மாணவர்கள் குடை, ரெயின் கோர்ட் உள்ளிட்டவற்றை மறக்காமல் எடுத்துச் செல்லுங்கள்.
News November 27, 2025
சீமான் மீது டிஐஜி தொடர்ந்த அவதூறு வழக்கு ரத்து
சீமானின் தூண்டுதலின் பேரில் தன் மீதும் தன் குடும்பத்தினர் மீதும் நாதகவினர் அவதூறு கருத்து பதிவிட்டு வருவதாக டிஐஜி வருண் வழக்குத் தொடர்ந்திருந்தார். இந்த வழக்கை ரத்து செய்யவும், விசாரணைக்கு தடை விதிக்கவும் கோரி சீமான் மதுரை HC-ல் மனு தாக்கல் செய்தார். ஏற்கெனவே சீமான் மீதான அவதூறு வழக்கு விசாரணைக்கு தடை விதித்திருந்த நிலையில், இப்போது நீதிபதி அவதூறு வழக்கை ரத்து செய்து உத்தரவிட்டார்.
News November 27, 2025
CINEMA 360°: காதலை தூண்டும் அனிருத்தின் ‘Pattuma’ பாடல்
*கோபிசந்த் மாலினேனி இயக்கும் பாலைய்யாவின் 111-வது படம் பூஜையுடன் தொடங்கியது. *சூர்யாவின் கருப்பு படத்தின் ஓடிடி உரிமம் நெட்பிளிக்ஸுக்கும், சாட்டிலைட் உரிமம் ஜீ5-க்கும் விற்பனை செய்யப்பட்டுள்ளதாக தகவல் வெளியாகியுள்ளது. *அனிருத் குரலில் LIK படத்தின் 2-வது பாடலான ‘Pattuma’ வெளியாகியுள்ளது. *நடிகை அனுபமா பரமேஸ்வரன் நடித்துள்ள லாக் டவுன் படத்தின் டிரெய்லரை படக்குழு வெளியிட்டுள்ளது.