News May 22, 2024
உள்துறை அமைச்சகத்திற்கு வெடிகுண்டு மிரட்டல்
டெல்லியில் மத்திய உள்துறை அமைச்சகத்திற்கு இமெயில் மூலம் வெடிகுண்டு மிரட்டல் விடுக்கப்பட்ட சம்பவம் பரபரப்பை ஏற்படுத்தியுள்ளது. இதையடுத்து, அங்கு விரைந்த போலீசார் மற்றும் வெடிகுண்டு தடுப்பு பிரிவினர் தீவிர சோதனை நடத்தினர். இதில் சந்தேகப்படும்படியான பொருள் எதுவும் கிடைக்கவில்லை. முன்னதாக, டெல்லியில் கடந்த 1ம் தேதி 200க்கும் மேற்பட்ட பள்ளிகளுக்கு வெடிகுண்டு மிரட்டல் விடுக்கப்பட்டது குறிப்பிடத்தக்கது.
Similar News
News September 15, 2025
அதிமுகவின் DNA சி.என்.அண்ணாதுரை: EPS
அண்ணாவின் 117-வது பிறந்தநாளையொட்டி, ‘அண்ணா என்றால் தமிழ்நாடு, தமிழ், திராவிடம்’ என EPS தனது X பக்கத்தில் பதிவிட்டுள்ளார். அண்ணாவை பெயரில் மட்டுமல்லாமல், கொள்கை, செயல், அரசியல் அறத்தில் 53 ஆண்டுகளாக ADMK பெருமையோடு ஏந்தி நிற்பதாகவும் குறிப்பிட்டுள்ளார். மேலும், சாமானியர்களை அரியணை ஏற்றும் திராவிட அரசியலில் ஈடு இணையற்ற தலைமகனின் பிறந்தநாளில் குடும்ப ஆட்சியை அகற்ற உறுதியேற்க அழைப்பு விடுத்துள்ளார்.
News September 15, 2025
கன்னி பேச்சு மூலம் கவனம் ஈர்த்த ராமதாஸ் மகள்
ஓசூரில் நேற்று நடைபெற்ற பாமக பொதுக்குழுக் கூட்டத்தில் ராமதாஸ் மகள் காந்திமதி முதல்முறையாக உரையாற்றியுள்ளார். எனது தந்தை ராமதாஸ் துணிச்சலுக்கும், தியாகத்துக்கும் உதாரணமானவர். அவருக்கு துணையாக நிற்பது எனது கடமை. அவரது தலைமையிலும், வழிகாட்டுதலிலும் பாமக மாபெரும் சக்தியாக மாறியுள்ளது. ராமதாஸின் ஒற்றைத் தலைமையை ஏற்று, ஒற்றுமையுடன் தொடர்ந்து போராடுவோம் என்று அவர் தெரிவித்துள்ளார்.
News September 15, 2025
விஜய்க்கு ஆதரவாக களமிறங்கிய பிரபல நடிகர்
சிரஞ்சீவி, கமலுடன் தவெக தலைவர் விஜய்யை ஒப்பிட்டு விமர்சனம் செய்வது நல்லது அல்ல என்று அவருக்கு ஆதரவாக இயக்குநரும், நடிகருமான சுப்பிரமணிய சிவா களமிறங்கியுள்ளார். பல ஊர்கள் சென்று வருவதன் அடிப்படையில் அழுத்தமாக சொல்கிறேன்; விஜய்யை சாதாரணமாக நினைத்துவிட வேண்டாம். வரலாற்றின் வேலை துணிந்தவனை தலைவனாக்குவது தான் எனக் கூறிய அவர், விஜய் வரவு அரசியலில் ஒரு அதிர்வு என்பதே உண்மை என்று தெரிவித்துள்ளார்.