News May 16, 2024
கேப்டன் சுனில் சேத்ரி ஓய்வை அறிவித்தார்
இந்திய கால்பந்து அணியின் கேப்டன் சுனில் சேத்ரி (39) ஓய்வு பெறுவதாக அறிவித்துள்ளார். குவைத் அணிக்கு எதிரான உலகக் கோப்பை தகுதிப் போட்டிதான் தனது கடைசி என்றும் அவர் தெரிவித்துள்ளார். டெல்லியில் பிறந்த அவர், இந்திய அணிக்காக முன்கள வீரராக விளையாடி வருகிறார். 2004ஆம் ஆண்டு தனது முதல் சர்வதேச போட்டியை விளையாடிய சேத்ரி, 20 ஆண்டுகால ஓட்டத்துக்கு ஓய்வளித்திருக்கிறார்.
Similar News
News August 8, 2025
தேங்ஸ் நண்பா… புடினுடன் பேசிய மோடி!
நண்பர் புடினுடன் தொலைபேசியில் உரையாடியதாக PM மோடி தன் X பதிவில் தெரிவித்துள்ளார். உக்ரைன் விவகாரம் பற்றி தகவல்களை பகிர்ந்ததற்காக, புடினுக்கு நன்றி சொன்ன மோடி, இந்தியா- ரஷ்யாவின் சிறப்புவாய்ந்த உறவையும், நெருக்கத்தையும் மேலும் வளர்க்க உறுதி பூண்டதாகவும் தெரிவித்துள்ளார். அமெரிக்காவுடன் மோதல் வலுக்கும் சூழலில், நம்பகமான கூட்டாளியான ரஷ்யாவுடன் இந்தியா நெருங்குவதையே மோடி-புடின் பேச்சு உணர்த்துகிறது.
News August 8, 2025
எந்த போர்டாக இருந்தாலும் தமிழ் கட்டாயம்: அமைச்சர்
CBSE உள்ளிட்ட எந்த போர்டாக இருந்தாலும் தமிழை இனி கட்டாயமாக படிக்க வேண்டுமென அன்பில் மகேஷ் தெரிவித்துள்ளார். 11-ம் வகுப்பு பொதுத்தேர்வு ரத்து செய்யப்படுவதாகவும், 12-ம் வகுப்பு பொதுத்தேர்வுக்கு தயார்படுத்தும் வகையில் 11-ம் வகுப்பை மாணவர்கள் பயன்படுத்த வேண்டுமெனவும் கூறினார். கல்வியாளர்கள் உள்பட அனைத்து தரப்பினரின் கருத்துகளை கேட்டு மாநில கல்வி கொள்கை தயாரித்துள்ளதாகவும் தெரிவித்தார்.
News August 8, 2025
பிரதமர் மோடியுடன் கனிமொழி சந்திப்பு
PM மோடியை நேரில் சந்தித்து நன்றி தெரிவித்துள்ளார் MP கனிமொழி. இது தொடர்பாக தனது X பதிவில், பிரதமரை இன்று நேரில் சந்தித்து தூத்துக்குடி துறைமுகத்தில் சரக்கு மாற்று முனையம் அமைக்க உதவ வேண்டும் என தான் கோரிக்கை வைத்ததாகவும், மேலும், தூத்துக்குடி விமான நிலையத்தை மேம்படுத்த அளித்த ஆதரவுக்கும் தான் நன்றி தெரிவித்ததாகவும் குறிப்பிட்டுள்ளார்.