News March 8, 2026
காய்கறிகள் விலை பாதியாக குறைந்தது!
வரத்து அதிகரிப்பால் சென்னை கோயம்பேடு சந்தையில் காய்கறிகள் விலை கடும் சரிவைக் கண்டுள்ளது. கடந்த சில நாள்களாக கிலோ ₹10-க்கு விற்பனையான தக்காளி அதிலும் பாதியாக குறைந்து இன்று 1 கிலோ ₹5-க்கு விற்பனையாகிறது. அதேபோல், 1 கிலோ வெங்காயம் ₹18, கேரட் ₹20, கத்திரிக்காய் ₹15, முருங்கைக்காய் ₹50 என காய்கறிகள் விலை கணிசமாக குறைந்துள்ளது. இந்த விலை சரிவு விவசாயிகளுக்கு வேதனையை கொடுத்துள்ளது.
Similar News
News March 16, 2026
திமுகவில்தான் உண்மையான அதிமுக உள்ளது: தம்பிதுரை
திமுகவில் தற்போது அமைச்சர்களாக இருப்பவர்களில் பலரும் அதிமுக பாசறையில் பயிற்சி பெற்றவர்கள்தான் என தம்பிதுரை கூறியுள்ளார். கிருஷ்ணகிரியில் பேசிய அவர், அனிதா ராதாகிருஷ்ணன், முத்துசாமி, செந்தில்பாலாஜி, ரகுபதி, சேகர்பாபு, EV வேலு என இவர்கள் அனைவருமே அதிமுகவிலிருந்து சென்றவர்கள் தான் என்றும், உண்மையான அதிமுக திமுகவில்தான் ஒரு பக்கம் செயல்பட்டு கொண்டிருக்கிறது எனவும் விமர்சித்துள்ளார்.
News March 16, 2026
8 தொகுதிகளில் இடைத்தேர்தல்!
தமிழகம் உள்ளிட்ட 5 மாநில சட்டப்பேரவைத் தேர்தலுடன் கர்நாடகா, குஜராத் உள்ளிட்ட மாநிலங்களில் 8 பேரவைத் தொகுதிகளுக்கு இடைத்தேர்தல் நடைபெறவுள்ளன. மகாராஷ்டிராவில் பாராமதி (அஜித் பவாரின் தொகுதி), ரஹூரி, கோவாவின் பான்டா, கர்நாடகாவின் பாகல்காட், தவணகரே தெற்கு, நாகாலாந்தின் கொரிடாங், திரிபுராவின் தர்மாநகர், குஜராத்தின் உம்ரத் ஆகிய தொகுதிகளுக்கு ஏப்.9 & 23 ஆகிய தேதிகளில் இடைத்தேர்தல் நடைபெறவுள்ளது.
News March 16, 2026
எந்தெந்த மாநிலத்தில் யார் வெற்றி?.. கருத்துக்கணிப்பு
5 மாநிலங்களுக்கான புதிய தேர்தல் கருத்துக்கணிப்பை Times Now வெளியிட்டுள்ளது. அதில், அசாம் – BJP + 44% வாக்குகளுடன் 96-98 இடங்களிலும், CONG+ 40% வாக்குகளுடன் 26-28 இடங்களிலும், கேரளா – LDF 43% வாக்குகளுடன் 61-71 இடங்களிலும், UDF 42% வாக்குகளுடன் 58-69 இடங்களிலும், மேற்கு வங்கம் – TMC 45% வாக்குகளுடன் 155-170 இடங்களிலும், NDA 43% வாக்குகளுடன் 100-115 இடங்களிலும் வெற்றிபெறும் என தெரிய வந்துள்ளது.