News March 1, 2026
புதுச்சேரி: பிரதமரிடம் முதல்வர் ரங்கசாமி கோரிக்கை
புதுச்சேரியில் நடைபெறும் அரசு நிகழ்ச்சியில், விழா மேடையிலேயே பிரதமர் மோடியை சந்தித்த புதுச்சேரி முதல்வர் ரங்கசாமி, புதுச்சேரிக்கு முழுமையான மாநில அந்தஸ்து வழங்க வேண்டும் என கோரிக்கை வைத்தார். யூனியன் பிரதேசமாக உள்ள புதுச்சேரி நிர்வாக அதிகாரங்களில் பல கட்டுப்பாடுகள் இருப்பதால், மக்கள் நலத் திட்டங்களை முழுமையாக செயல்படுத்த மாநில அந்தஸ்து அவசியம் என அவர் வலியுறுத்தினார்.
Similar News
News March 8, 2026
புதுச்சேரி: படகு குழாம்களில் இலவச படகு சவாரி!
சர்வதேச மகளிர் தினத்தை முன்னிட்டு, முதல்வர் ரங்கசாமி உத்தரவின்படி சுற்றுலாத்துறை அமைச்சர் லட்சுமிநாராயணன் முக்கிய அறிவிப்பு வெளியிட்டுள்ளார். அதன்படி, மார்ச் 8-ம் தேதியான இன்று புதுச்சேரி சுற்றுலா வளர்ச்சிக் கழகத்தின் கீழ் செயல்படும் சுண்ணாம்பாறு மற்றும் ஊசுட்டேரி படகு குழாம்களுக்கு வருகை தரும் அனைத்து மகளிர்களுக்கும் கட்டணமின்றி இலவச படகு சவாரி வழங்கப்படும் என்று தெரிவிக்கப்பட்டுள்ளது.
News March 8, 2026
புதுச்சேரி: பண மோசடியில் ஈடுபட்ட தாய் – மகன்!
பிரான்சில் வசித்து வரும் எழில்ராஜன்-கனிமொழி தம்பதியினர், புதுச்சேரியில் தங்களது நிலத்தை ரூ.19 லட்சத்திற்கு விற்றனர். அந்த பணத்தை கனிமொழியின் தாய் மற்றும் சகோதரன் பெற்றுக்கொண்டதாக கூறப்படுகிறது. பின்னர் பணத்தை திருப்பிக் கேட்டபோது, சகோதரன் மிரட்டியதாக கனிமொழி புகார் அளித்தார். நீதிமன்ற உத்தரவின் பேரில், தவளக்குப்பம் போலீசார் சகோதரன் இளவரசன் மீது வழக்கு பதிவு செய்து விசாரணை நடத்தி வருகின்றனர்.
News March 8, 2026
புதுச்சேரி: அரசு பணியிடங்களுக்கு தேர்வு அறிவிப்பு
புதுச்சேரி தலைமை செயலகத்திலுள்ள தேர்வு அமைப்பின் சார்பு செயலர் வெளியிட்டுள்ள செய்திக்குறிப்பில், “மொத்தம் 25 பணியிடங்களுக்கு 1 கேலரி அசிஸ்டெண்ட் மற்றும் 24 இளநிலை நூலக உதவியாளர், வரும் ஏப்ரல் 26-ம் தேதி தேர்வு நடத்த திட்டமிடப்பட்டுள்ளது. விண்ணப்பதாரர்கள் தங்கள் ஹால் டிக்கெட்டை ஏப்ரல் 11-ம் தேதி முதல் https://recruitment.py.gov.in என்ற இணையதளத்தில் பதிவிறக்கம் செய்து கொள்ளலாம்.” என கூறியுள்ளார்.