News February 25, 2026
ராஜ்யசபா MP சீட் கேட்கவில்லை: TTV தினகரன்
NDA கூட்டணியில் சுமுகமாக தொகுதி பங்கீடு பேச்சுவார்த்தை நடைபெறுகிறது என TTV தினகரன் தெரிவித்துள்ளார். நெல்லையில் பேசிய அவர், வரவிருக்கும் சட்டப்பேரவை தேர்தலில் தான் போட்டியிடவில்லை. அதேபோன்று அதிமுகவிடம் ராஜ்யசபா MP பதவியையும் தான் கோரவில்லை என கூறியுள்ளார். பாஜகவின் வழிகாட்டுதலின் கீழ் பேச்சுவார்த்தை நடத்தி கெளரவமான தொகுதிகளில் தகுதியான அமமுக வேட்பாளர்கள் போட்டியிடுவர் என அறிவித்துள்ளார்.
Similar News
News March 1, 2026
நாளை தொடங்குகிறது அரசு பள்ளி மாணவர் சேர்க்கை
தமிழகத்தின் அனைத்து அரசுப் பள்ளிகளிலும் நாளை முதல் அடுத்தாண்டுக்கான மாணவர் சேர்க்கை நடைபெறவுள்ளது. அதற்கேற்ப பள்ளிகளில் முன்னேற்பாடுகள் மேற்கொள்ளப்பட்டுள்ளன. 5 வயதுக்கு மேற்பட்ட குழந்தைகளை அருகிலுள்ள அரசுப் பள்ளிகளில் சேர்ப்பதற்கான நடவடிக்கைகள் முடுக்கிவிடப்பட்டுள்ளன. மாணவர் சேர்க்கை குறித்து விழிப்புணர்வு ஏற்படுத்துமாறு HM-களுக்கு அறிவுறுத்தப்பட்டுள்ளது.
News March 1, 2026
தமிழ்நாட்டிற்கு மத்திய அரசு அதிக முதலீடு: PM மோடி
மதுரையில் நடந்த அரசு நிகழ்ச்சியில் ₹4,400 கோடிக்கும் அதிகமான திட்டங்களை PM மோடி தொடங்கி வைத்தார். அப்போது பேசிய அவர்,
தமிழ்நாட்டின் வளர்ச்சிக்கு மத்திய அரசு அதிக முதலீடு செய்துள்ளதாக கூறியுள்ளார். குறிப்பாக, காங்கிரஸ் ஆட்சி காலத்தில் தமிழக ரயில்வே திட்டங்களுக்கு ₹880 கோடி மட்டுமே ஒதுக்கப்பட்டதாகவும், ஆனால் பாஜக அரசு அதைவிட 9 மடங்கு அதிக நிதியை ஒதுக்கியுள்ளதாகவும் மோடி தெரிவித்துள்ளார்.
News March 1, 2026
தேர்தல் அறிக்கை எப்போது முதல்முறையாக வந்தது?
1931-ல் கராச்சி காங்., மாநாட்டில் நிறைவேற்றப்பட்ட சில தீர்மானங்களை, 1937 தேர்தலில் காங்., தேர்தல் அறிக்கை வடிவில் முதல்முறையாக கொண்டுவந்தது. 1957 பேரவை தேர்தலின்போது ‘திராவிட நாடு’ என்ற தனிநாடு கோரிக்கையை தமிழக அரசியலில் முதல் தேர்தல் அறிக்கையாக திமுக முன்வைத்தது. 1967 தேர்தலில் தேர்தல் அறிக்கை (திமுக) முழு வடிவம் பெற்றது. அடுத்தடுத்து அதிமுக, பாமக கட்சிகள் தேர்தல் வாக்குறுதிகளை வழங்கின.