News May 11, 2024
விடாமுயற்சி, குட் பேட் அக்லி அடுத்தடுத்து ரிலீஸ்?
அஜித்தின் ‘விடாமுயற்சி’, ‘குட் பேட் அக்லி’ படங்கள் அடுத்தடுத்து வெளியாகவுள்ளதாகத் தகவல் கசிந்துள்ளது. ஆதிக் ரவிச்சந்திரன் இயக்கும் குட் பேட் அக்லி படத்தை 2025 பொங்கலுக்கு வெளியிடப் போவதாக ஏற்கெனவே அறிவித்த நிலையில், நேற்று ஹைதராபாத்தில் அதன் படப்பிடிப்பு தொடங்கியது. இந்நிலையில், மகிழ்திருமேனி இயக்கும் விடாமுயற்சி படத்தை, வரும் அக். 31ஆம் தேதி வெளியிடப் படக்குழு திட்டமிட்டுள்ளதாகக் கூறப்படுகிறது.
Similar News
News September 20, 2025
RECIPE: சுவையான, ஹெல்தியான கம்பு கட்லட்!
கம்பு & உருளைக்கிழங்கை ஒன்றாக வேகவைத்து, பின்னர் மசித்துக் கொள்ளவும் *இவற்றுடன் துருவிய கேரட் & காலிஃபிளவரை சேர்த்து தண்ணீர் விட்டு, 10 நிமிடங்கள் வேக வைக்கவும் *இதில், இஞ்சி-பூண்டு விழுது, மிளகாய்த் தூள், கரம் மசாலா & உப்பு சேர்த்து நன்றாகப் பிசையவும் *இந்தக் கலவையை கட்லெட் வடிவில் தட்டி, எண்ணெய்யில் பொறித்தெடுத்தால், சுவையான கம்பு கட்லட் ரெடி. இதனை நண்பர்களுக்கும் பகிரவும்.
News September 20, 2025
ஜம்முவில் சிக்கிய 4 பயங்கரவாதிகள்
JK-வின் உதம்பூரில் பயங்கரவாதிகள் இருப்பதாக ரகசிய தகவல் கிடைத்ததால் அங்கு சோதனை நடத்தப்பட்டது. அப்போது, பதுங்கியிருந்த பயங்கரவாதிகள் தாக்குதல் நடத்திவிட்டு தப்பியோட முயற்சித்தனர். இதனால், பயங்கரவாதிகளுக்கும் பாதுகாப்பு படையினருக்கும் இடையே துப்பாக்கி சூடு நடந்தது. இதில் ராணுவ வீரர் ஒருவர் காயமடைந்தார். இந்நிலையில், ஜெய்ஷ் இ முகமது அமைப்பை சேர்ந்த 4 பேரை பாதுகாப்பு படை கைது செய்துள்ளது.
News September 20, 2025
‘மதராஸி’ OTT ரிலீஸ் டேட்..
ஏ.ஆர்.முருகதாஸ்- சிவகார்த்திகேயன் கூட்டணியில் வெளியான ‘மதராஸி’ திரைப்படம் கலவையான விமர்சனங்களை பெற்றது. ஆனாலும், படம் பாக்ஸ் ஆபிசில் ₹100 கோடி வசூலை கடந்தது. படம் கடந்த செப்டம்பர் 5-ம் தேதி திரையரங்குகளில் வெளியான சூழலில், வரும் அக்டோபர் 3-ம் தேதி அமேசான் ப்ரைம் OTT-ல் வெளியாகும் என கூறப்படுகிறது. ருக்மிணி வசந்த, வித்யூத் ஜம்வால் ஆகியோர் நடித்திருந்த இப்படத்திற்கு அனிருத் இசையமைத்திருந்தார்.