News February 11, 2026
தமிழ்மொழித் தேர்வை கட்டாயமாக்குக: சீமான்
பிறமொழி பயிலும் மாணவர்களுக்கு 10-ம் வகுப்பு பொதுத் தேர்வில் கட்டாயத்தமிழ் பாடம் தேர்வெழுத TN அரசு விலக்கு அளித்துள்ளதற்கு சீமான் கண்டனம் தெரிவித்துள்ளார். தமிழ்மொழித் தேர்வை கட்டாயமாக்கி அரசாணை வெளியிட்டு 10 ஆண்டுகளாகியும், அதனை நடைமுறைப்படுத்தாதது அன்னை தமிழுக்கு செய்யும் பெருந்துரோகம் என்றும், நடப்பு கல்வியாண்டு முதலே தமிழ்மொழித் தேர்வை கட்டாயமாக்க வேண்டும் எனவும் வலியுறுத்தியுள்ளார்.
Similar News
News February 18, 2026
தங்கம் விலை சரசரவென குறைந்தது
வரலாறு காணாத உச்சத்தை எட்டிய ஆபரணத் தங்கத்தின் விலை மீண்டும் சரிய தொடங்கி இருக்கிறது. கடந்த 15-ம் தேதி ஆபரணத் தங்கத்தின் விலை ₹1,16,480-க்கு விற்பனையான நிலையில், இன்று மாலை ₹1,13,840-ஆக விற்கப்படுகிறது. அதாவது, கடந்த 3 நாள்களில் மட்டும் சவரனுக்கு ₹2,640 குறைந்துள்ளது. சர்வதேச சந்தையில் தங்கம் விலை தொடர்ந்து குறைந்து வருவதால், வரும் நாள்களிலும் விலை மேலும் குறைய வாய்ப்புள்ளதாக கூறப்படுகிறது.
News February 18, 2026
தேர்தலுக்காக மாநில சுயாட்சி பேசுகிறார்கள்: வானதி
அரசியலமைப்பு சட்டத்தை மாற்ற கோருவது, இந்தியர்களின் ஒற்றுமைக்கு திமுகவின் ‘திராவிட மாடல்’ எப்படி எதிரானது என்பதற்கு ஒரு சிறந்த உதாரணம் என வானதி சீனிவாசன் விமர்சித்துள்ளார். 2004 -14 வரை மத்தியில் கூட்டணி ஆட்சியில் இருந்தபோது மாநில சுயாட்சி குறித்து திமுகவுக்கு ஏன் அக்கறை எழவில்லை என கேள்வி எழுப்பியுள்ளார். அத்துடன் தேர்தலுக்காகவே மாநில சுயாட்சி என்ற விவகாரத்தை CM எழுப்பியுள்ளதாக சாடியுள்ளார்.
News February 18, 2026
பிரபல நடிகை காலமானார்… REASON!
பிரபல பாலிவுட் நடிகை பிரவீனா தேஷ்பாண்டே (60) உடல்நலக் குறைவால் காலமானார். புற்றுநோய் பாதிப்பில் இருந்து அவர் மீண்டு வந்ததாக கூறப்பட்ட நிலையில், அவரின் மறைவு சோகத்தை ஏற்படுத்தியுள்ளது. ரெடி, மும்பை மேரி ஜான் உள்பட பல படங்களிலும், The Family Man, Rocket Boys என வெப் சீரிஸ்களிலும் நடித்துள்ள இவர் டிவி சீரியல்களிலும் பிரபலமாக இருந்தார். இவரது மறைவுக்கு திரையுலகினர் இரங்கல் தெரிவித்து வருகின்றனர். RIP