News January 31, 2026
ஆசிரியர்கள் ஸ்டிரைக் ஒத்திவைப்பு
இடைநிலை ஆசிரியர்களின் போராட்டம் தற்காலிகமாக ஒத்திவைக்கப்படுவதாக அறிவிக்கப்பட்டுள்ளது. ‘சம வேலைக்கு சம ஊதியம்’ கோரி ஒரு மாதத்திற்கு மேல் இடைநிலை ஆசியர்கள் போராட்டம் நடத்தி வந்தனர். இந்நிலையில், ஊதிய முரண்பாட்டை சரி செய்ய அமைக்கப்பட்ட மூவர் குழு விரைவில் அறிக்கை சமர்ப்பிக்க உள்ளதாக அமைச்சர் அன்பில் மகேஸ் உறுதியளித்த நிலையில், ஆசிரியர்களின் போராட்டம் ஒத்திவைக்கப்பட்டுள்ளது.
Similar News
News February 4, 2026
விஜய்க்கு ஆதரவாக பேசிய பிரவீன் சக்கரவர்த்தி
தவெகவின் வளர்ச்சி ஊரறிந்த விஷயம் என பிரவீன் சக்கரவர்த்தி பேட்டியளித்துள்ளார். தவெகவுக்கு வீட்டுக்கு ஒரு ஓட்டு இருப்பதாக விஜய் சொன்னதை மேற்கோள்காட்டி பேசிய அவர், தற்போது மக்கள் விஜய்யை அங்கீகரித்துள்ளது தன்னுடைய ஆய்வுகளிலேயே தெரிவதாக கூறியுள்ளார். ஏற்கெனவே இவர் விஜய்யை சந்தித்தது பரபரப்பை ஏற்படுத்திய நிலையில், தற்போது ஆதரவாக பேசியுள்ளதால் திமுகவினர் டென்ஷனில் இருக்கின்றனர்.
News February 4, 2026
அதிமுக Ex MLA திமுகவில் இணைந்தார்.. EPS அதிர்ச்சி
திண்டிவனம் அதிமுக முன்னாள் MLA ஹரிதாஸ், CM ஸ்டாலின் முன்னிலையில் திமுகவில் இணைந்துள்ளார். அண்மையில் தான் அதிமுக Ex MLA-க்கள் சின்னசாமி, மாதேஸ்வரன் ஆகியோர் திமுகவில் தங்களை இணைத்துக் கொண்டனர். அதேநேரம், முன்னாள் அமைச்சர் கு.ப.கிருஷ்ணன் தவெகவில் சமீபத்தில் இணைந்தார். அடுத்தடுத்து அதிமுக முக்கிய முகங்கள் கட்சி மாறுவது EPS-க்கு அதிர்ச்சியளித்துள்ளதாக விமர்சகர்கள் கூறுகின்றனர்.
News February 4, 2026
லோக் சபாவில் கடும் அமளி.. அவை ஒத்திவைப்பு
ஜனாதிபதி உரைக்கு நன்றி தெரிவிக்கும் தீர்மானத்தின் மீதான விவாதத்தின் போது, 2-வது நாளாக லோக்சபாவில் கடும் அமளி ஏற்பட்டது. இந்திய-அமெரிக்க வர்த்தக ஒப்பந்தம் குறித்து விவாதிக்க வேண்டும் என்று நேற்று எதிர்கட்சிகள் அமளியில் ஈடுபட்டதால் நேற்று அவை நடவடிக்கைகள் பாதிக்கப்பட்டன. தொடர்ந்து இன்றும் எதிர்க்கட்சி MP-க்கள் அமளியில் ஈடுபட்டதால் லோக் சபா 12 மணிவரை ஒத்தி வைக்கப்படும் என சபாநாயகர் அறிவித்துள்ளார்.