News January 30, 2026
தாரமங்கலம் அருகே விபத்து
தாரமங்கலம் அருகே தேசிய நெடுஞ்சாலையில் நேற்று ஒரு கார் அதிவேகமாகச் சென்று கொண்டிருந்தது. அப்போது, முன்னால் சென்ற லாரியின் பின்பகுதியில் எதிர்பாராத விதமாக கார் பலமாக மோதியது. இவ்விபத்தின் தாக்கத்தால் காரின் முன்பகுதி பலத்த சேதமடைந்தது. காரில் பயணித்தவர்கள் சிறு காயங்களுடன் நல்வாய்ப்பாக உயிர் தப்பினர். சம்பவ இடத்திற்கு விரைந்து வந்த போலீசார், காயமடைந்தவர்களை மீட்டு சிகிச்சைக்காக அனுப்பி வைத்தனர்.
Similar News
News February 2, 2026
சேலம் மாவட்ட இரவு ரோந்து போலீசார் விவரம் வெளியீடு
சேலம் ஊரகம், வாழப்பாடி, ஆத்தூர், தலைவாசல், கருமந்துறை, எடப்பாடி, சங்ககிரி, ஓமலூர்,மேட்டூர் ஆகிய பகுதிகளில் இரவு நேரங்களில் குற்றச்செயல்கள் நடக்காமல் தடுத்திடவும், இயற்கை இடர்பாடுகளில் சிக்கும் பொது மக்களை காத்திடவும், அந்தந்த பகுதியில் உள்ள காவல்துறை அதிகாரிகள், இரவு நேரங்களில் முழு ரோந்து பணியில் ஈடுபடுவது வழக்கம். அதன்படி இன்று இரவு பணியில் ஈடுபடும் அதிகாரிகள் குறித்த விபரம் வெளியாகியுள்ளது.
News February 2, 2026
பள்ளி மாணவி கர்ப்பம்
சேலம், மேட்டூர் பகுதியைச் சேர்ந்த 28-வயது ஓட்டுநர் திவாகர், 17-வயது பள்ளி மாணவியுடன் ஏற்பட்ட பழக்கத்தால் அவரை கட்டாயப்படுத்தி பாலியல் உறவு கொண்டுள்ளார். இதனால் மாணவி 2 மாத கர்ப்பமாக இருப்பது தெரியவந்துள்ளது. பெற்றோர் அளித்த புகாரின் பேரில், போலீசார் திவாகர் மீது போக்சோ சட்டத்தின் கீழ் வழக்கு பதிவு செய்து விசாரணை நடத்தி வருகின்றனர்.
News February 2, 2026
சேலம் சரக்கு போக்குவரத்து மூலம் ₹244 கோடி வருவாய்
சேலம் ரயில்வே கோட்டம் நடப்பு நிதியாண்டில் (ஏப்ரல்-ஜனவரி) 2.577 மில்லியன் டன் சரக்குகளைக் கையாண்டு ₹244.26 கோடி வருவாய் ஈட்டியுள்ளது. இது கடந்த ஆண்டை விட 10.3% அதிகமாகும். வருவாயை மேலும் அதிகரிக்கச் சேலம், கோவை, கரூர், ஈரோடு பகுதிகளில் ஆய்வுகள் மேற்கொள்ளப்பட உள்ளதாகக் கோட்ட மேலாளர் தெரிவித்துள்ளார். சரக்கு போக்குவரத்தில் சேலம் கோட்டம் தொடர்ந்து அபரிமிதமான வளர்ச்சி கண்டு வருகிறது.