News May 8, 2024
தோனி ஓய்வு எடுக்க வேண்டாமா?
நடப்பு ஐபிஎல் தொடரில் சிஎஸ்கே வீரர் தோனி காயத்துடன் விளையாடி வருவதாக ரசிகர்கள் பெருமையுடன் கூறி வருகின்றனர். அதேநேரம், காயத்துடன் விளையாட வேண்டிய தேவை என்ன என்று ஒரு தரப்பினர் கேள்வி எழுப்பி வருகின்றனர். அவினாஷ் ராவ் என்ற இளம் விக்கெட் கீப்பர் அணியில் இருக்கும்போது தோனி ஓய்வெடுக்காமல் விளையாடுவது ஏன் என்ற கேள்வி எழுவதைத் தவிர்க்க முடியவில்லை. இதுகுறித்து உங்களது கருத்து என்ன?
Similar News
News March 20, 2026
திமுக கூட்டணியில் இருந்து வெளியேறுகிறதா CPM?
திமுக கூட்டணியில் 6 தொகுதிகளுக்கு கீழ் தருவதை CPM ஏற்க மறுக்கிறது. இதுதொடர்பாக திமுகவும், CPM-மும் மாறிமாறி பேச்சுவார்த்தை நடத்தியும் எந்த முன்னேற்றமும் ஏற்படவில்லை. இதனிடையே அக்கட்சியின் மாநிலக் குழு கூட்டம் வரும் 23-ம் தேதி நடைபெற உள்ளது. இதில் 5 தொகுதிகளை ஏற்று திமுக கூட்டணியில் தொடர்வதா, அல்லது தவெகவுடன் கூட்டணிக்கு செல்லலாமா என்பது குறித்து ஆலோசிக்க உள்ளதாக தகவல் வெளியாகியுள்ளது.
News March 20, 2026
BREAKING: இரவில் சந்திப்பு.. கூட்டணி கணக்கு மாறுகிறது
டெல்லியில் நேற்றிரவு அமித்ஷாவை சந்தித்த EPS, தொகுதி பங்கீடு இழுபறி குறித்து ஆலோசனை நடத்தினார். இதில், பாஜக 30 தொகுதிகள் கேட்ட நிலையில், 25 தொகுதிகளை ஒதுக்குவதாக EPS தெரிவித்தததாக கூறப்படுகிறது. அதேபோல், பாமகவுக்கு 22, அமமுகவுக்கு 6, தமாகாவுக்கு 3 தொகுதிகளையும் அவர் கூறியதாகவும் சொல்லப்படுகிறது. இந்த பேச்சுவார்த்தை சுமுகமாக முடிந்ததால் விரைவில் தொகுதி பங்கீடு இறுதியாகும் என தெரிகிறது.
News March 20, 2026
விஜய் டெபாசிட்டை இழப்பார்: அர்ஜூன் சம்பத்
அதிமுக கூட்டணிக்கு செல்லும் வாக்குகளை பிரிக்கும் வேலையைத் தான் தவெக செய்வதாக அர்ஜூன் சம்பத் தெரிவித்துள்ளார். ஆனால் தவெகவின் செல்வாக்கு குறைந்து வருவதாகவும், 234 தொகுதிகளிலும் டெபாசிட்டை இழப்பார்கள் எனவும் கூறியுள்ளார். மேலும் திமுகவுக்கு வெற்றி வாய்ப்பை ஏற்படுத்த ஆதவ் அர்ஜுனா திட்டமிட்டு தவெகவை இயக்கி வருவதாகவும் குற்றம்சாட்டியுள்ளார்.