News January 28, 2026
வைரலாகும் அஜித் பவார் ட்வீட்
மகாராஷ்டிராவில் DCM அஜித் பவாரும், பெண் விமானி ஷாம்பவி பதக்கும் விமான விபத்தில் உயிரிழந்தனர். இந்நிலையில் 2 ஆண்டுகளுக்கு முன்பு அஜித் பவார் செய்த டிவீட் ஒன்று வைரலாகி வருகிறது. அதில், ‘நாம் செல்லும் ஹெலிகாப்டர் அல்லது விமானம் சீராக தரையிறங்கினால், அது பெண் விமானி என்பதை புரிந்து கொள்ள வேண்டும்’ என்று குறிப்பிட்டுள்ளார். மேலும், அதில் #NCPWomenPower என்ற ஹேஷ்டேக்கை கொடுத்துள்ளார்.
Similar News
News February 5, 2026
அதிமுகவில் புதிய கட்சி.. செந்தில் பாலாஜிக்கு அதிர்ச்சி
கொங்கு மக்கள் முன்னணி(கொமமு) தலைமை ஒருங்கிணைப்பாளர் C.ஆறுமுகம், EPS-ஐ நேரில் சந்தித்து அதிமுக கூட்டணியில் இணைந்தார். வரும் சட்டமன்றத் தேர்தலில் கொங்கு மக்கள் முன்னணி, அதிமுக மற்றும் அதன் கூட்டணி கட்சிகளின் வெற்றிக்காக பாடுபடும் எனவும் ஆறுமுகம் தெரிவித்துள்ளார். கொமமுவுடன் செந்தில் பாலாஜி பேச்சுவார்த்தை நடத்தி வருவதாக கூறப்பட்ட நிலையில், அக்கட்சி திடீரென அதிமுக கூட்டணியில் இணைந்துள்ளது.
News February 5, 2026
திமுகவிடம் புதிய டிமாண்ட் வைக்கும் விசிக
2021 தேர்தலில் 6 தொகுதிகளில் போட்டியிட்ட VCK, இம்முறை திமுகவிடம் கூடுதல் தொகுதிகளை கேட்டுப்பெற முயற்சிக்கிறது. திருப்போரூர், செய்யூர் உள்ளிட்ட வடமாவட்டங்களில் மட்டுமே களம் கண்ட VCK, தற்போது தெற்கு & மேற்கு மாவட்டங்களையும் குறிவைத்துள்ளது. தங்களுக்கு செல்வாக்கு உள்ள தொகுதிகளின் பட்டியலை VCK தயாரிப்பதாகவும், தொகுதிப் பங்கீட்டின் போது திமுகவிடம் டிமாண்ட் வைக்க திட்டமிட்டுள்ளதாகவும் கூறப்படுகிறது.
News February 5, 2026
UGC NET தேர்வு முடிவுகள் வெளியீடு
உதவிப் பேராசிரியர் தகுதித் தேர்வான யுஜிசி நெட் 2025 தேர்வு கடந்த டிசம்பர் மாதம் நடைபெற்றது. 80-க்கும் மேற்பட்ட பாடங்களுக்கு நடத்தப்பட்ட தேர்வை சுமார் 7 லட்சம் பேர் எழுதிய நிலையில், தற்போது அதன் முடிவுகள் வெளியாகியுள்ளன. https://ugcnet.nta.nic.in/ தளத்தில் முடிவுகளை அறிந்துகொள்ளலாம். பாடவாரியாக கட் -ஆஃப் மதிப்பெண்கள், இறுதி விடைக்குறிப்பு ஆகியவையும் வெளியாகி உள்ளன.