News January 28, 2026
மனசாட்சியை அடமானம் வைத்த செங்கோட்டையன்: ADMK
நடிகர் கட்சியில் அடைக்கலமாகியுள்ள EX அமைச்சர்கள் செங்கோட்டையன், கிருஷ்ணன் ஆகியோர் மனசாட்சியை எங்கே அடமானம் வைத்துவிட்டார்கள் என RB உதயக்குமார் கேள்வி எழுப்பினார். MGR, ஜெயலலிதாவின் சேவைகளில் பங்கெடுத்தவர்களை பக்கத்தில் வைத்துக் கொண்டு, அதிமுகவிற்கு பங்கம் விளைவிக்கும் வகையில் கருத்து சொல்வதை, அவர்கள் மனசாட்சி ஏற்றுக்கொள்கிறதா எனவும் கேட்டுள்ளார். ADMK-ஐ விஜய் ஊழல் கட்சி என விமர்சித்திருந்தார்.
Similar News
News February 19, 2026
திமுக கூட்டணியில் தேமுதிக.. மகிழ்ச்சியில் காங்கிரஸ்
திமுக கூட்டணியில் தேமுதிக இணைந்துள்ளதை வரவேற்பதாக செல்வப்பெருந்தகை தெரிவித்துள்ளார். இது TN அரசியலில் ஒரு முக்கியமான முன்னேற்றம் என்றும், இக்கூட்டணி மக்களின் எதிர்பார்ப்புகளை நிறைவேற்றும் வல்லமை பெற்றதாக அமையும் எனவும் தனது X பதிவில் அவர் குறிப்பிட்டுள்ளார். அத்துடன் மாநிலத்தின் வளமான எதிர்காலத்தை கருத்தில் கொண்டு அமைக்கப்பட்டுள்ள இக்கூட்டணி உறுதியாக வெற்றிபெறும் என்றும் அவர் கூறியுள்ளார்.
News February 19, 2026
விடுமுறை.. நாளை முதல் 3 நாள்களுக்கு அறிவிப்பு
சனி, ஞாயிறு வார விடுமுறையை முன்னிட்டு பள்ளி & கல்லூரி மாணவர்கள், பொதுமக்கள் சொந்த ஊர் செல்ல ஏதுவாக சிறப்பு பஸ்கள் அறிவிக்கப்பட்டுள்ளன. சென்னை கிளாம்பாக்கத்திலிருந்து திருச்சி, மதுரை, குமரி, தூத்துக்குடி, கோவை, சேலம் உள்ளிட்ட பல இடங்களுக்கு நாளை முதல் சிறப்பு பஸ்கள் இயக்கப்படுகின்றன. கூட்ட நெரிசலை தவிர்க்கும் பொருட்டு தங்களது பயணத்திற்கு www.tnstc.in-ல் டிக்கெட்டை முன்பதிவு செய்து கொள்ளலாம்.
News February 19, 2026
தேமுதிகவுக்கு ஆதரவாக வடிவேலு பிரசாரம் செய்வாரா?
2011 தேர்தலில் விஜயகாந்தை விமர்சிக்க தனது பிரசாரங்களில் வடிவேலுவை திமுக பயன்படுத்திக்கொண்டது. அரசியலையும் கடந்து விஜயகாந்த் மீது தனிமனித தாக்குதலை அவர் தொடுத்தார். சமீபத்தில் கூட உதயநிதி பிறந்தநாள் விழா கூட்டங்களில் வடிவேலு பேசியிருந்தார். தற்போது திமுக கூட்டணியில் தேமுதிக இணைந்துள்ள நிலையில், அவர் அக்கட்சிக்கு ஆதரவாக பிரசாரம் செய்வாரா என்ற கேள்வி எழுந்துள்ளது.