News January 27, 2026
அப்போ டார்ச் லைட்டை OFF பண்ண வேண்டியது தானா?
டார்ச் சின்னம் மீண்டும் கிடைத்த மகிழ்ச்சியில், குறைந்தது 12 தொகுதிகளில் போட்டியிட கமலின் மநீம விரும்புகிறது. இதுகுறித்து திமுகவிடம் பேச்சுவார்த்தை நடத்தவும் முடிவு செய்திருந்தது. ஆனால் ஒற்றை இலக்க தொகுதிகள் மட்டுமே கிடைக்கும் என்றும், உதய சூரியன் சின்னத்தில் தான் போட்டியிட வேண்டும் எனவும் திமுக வலியுறுத்தி வருகிறது. இதனால் டார்ச் லைட்டை ON செய்யவே முடியாதா என மநீம தரப்பு தவித்து வருகிறது.
Similar News
News February 4, 2026
ஆன்லைன் கேமிங் கொடூரம்.. 3 சிறுமிகள் தற்கொலை!
ஆன்லைன் கேமிங்கிற்கு அடிமையான 3 சிறுமிகள் தற்கொலை செய்து கொண்டுள்ளனர். உ.பி.,யின் காசியாபாத்தை சேர்ந்த 3 சகோதரிகளும் கொரோனா காலக்கட்டம் முதலே ஆன்லைன் கேமிங்கிற்கு அடிமையாக இருந்துள்ளதாக கூறப்படுகிறது. படிப்பை புறக்கணித்த மூவரையும் தொடர்ந்து பெற்றோர்கள் கண்டித்து வந்துள்ளனர். இதனால், மனமுடைந்த மூவரும், அபார்ட்மெண்ட்டின் 9-வது மாடியில் இருந்து குதித்து தற்கொலை செய்து கொண்டுள்ளனர்.
News February 4, 2026
கல்கி-2-ல் 2 கெட்டப்பில் அசத்தும் கமல்
பிரபாஸின் ‘கல்கி -2’ படத்தில் கமலுக்கு அதிக முக்கியதுவம் கொடுக்கப்பட்டுள்ளதாக தகவல் வெளியாகியுள்ளது. முதல் பாகத்தில் சில காட்சிகளில் மட்டுமே தோன்றிய கமல், இரண்டாம் பாகத்தில் கிட்டதட்ட 90 நிமிடங்கள் வருவாராம். அதுமட்டுமல்லாமல், 2 கெட்டப்களில் கமல் இதில் நடிக்கிறார். மேலும் சாய் பல்லவி முக்கிய கதாபாத்திரத்தில் நடிக்க உள்ளாராம். படத்தின் ஷூட்டிங் இம்மாத இறுதியில் தொடங்க உள்ளது.
News February 4, 2026
அஜித் பவார் மரணத்தில் சந்தேகத்தை கிளப்பிய MP
அஜித் பவாரின் மரணத்தில் உள்ள மர்மங்களை வெளிக்கொண்டுவர வேண்டும் என உத்தவ் சிவசேனாவின் MP அர்விந்த் சவாந்த் வலியுறுத்தியுள்ளார். இதுகுறித்து நாடாளுமன்றத்தில் அவசரமாக விவாதிக்க வேண்டும் என லோக் சபாவில் ஒத்திவைப்பு தீர்மான நோட்டீஸையும் அவர் கொடுத்துள்ளார். ஏற்கெனவே அஜித் பவாரின் மரணத்தில் சதி இருக்கலாம் என மம்தா பானர்ஜியும் சந்தேகம் தெரிவித்திருந்தார்.