News January 25, 2026
மேலும் ஒரு இந்து இளைஞர் தீ வைத்து எரிப்பு!
இந்துக்கள் கொல்லப்படுவது வங்கதேசத்தில் தொடர்கதையாகி வருகிறது. மெக்கானிக் கடையில் வேலை பார்த்து வந்த சன்சல் பவுமிக்(23), கடந்த 23-ம் தேதி எரித்து கொல்லப்பட்டுள்ளார். இரவு கடையை மூடிவிட்டு கிளம்பும் போது, அவர் மீது தீ வைத்த சிலர் கடைக்குள் தள்ளி ஷட்டரை மூடியுள்ளனர். இதில், சன்சல் துடிதுடித்து மரணமடைந்துள்ளார். இது திட்டமிட்ட கொலை என சன்சலின் குடும்பத்தினரும் உறவினர்களும் குற்றம் சாட்டுகின்றனர்.
Similar News
News February 11, 2026
FLASH: சர்வதேச சந்தையில் தங்கம் விலை மேலும் சரிவு
சர்வதேச சந்தையில் தங்கம் விலையானது தொடர்ந்து இறங்கு முகத்தில் உள்ளது. இன்று(பிப்.11) 1 அவுன்ஸ்(28g) $19 குறைந்து $5,036-க்கு விற்பனையாகிறது. அதேபோல் வெள்ளியும் 1 அவுன்ஸ் $1 குறைந்து $81 ஆக உள்ளது. இதே நிலை தொடர்ந்தால் இந்திய சந்தையில் காலை நேர வர்த்தகத்தில் தங்கம் விலை சற்று குறைய வாய்ப்புள்ளது. சர்வதேச சந்தையில் கடந்த ஒரு வாரமாகவே தங்கம் விலையில் மந்த நிலை நீடிப்பது கவனிக்கத்தக்கது.
News February 11, 2026
மீண்டும் வேகமெடுக்கும் EPS-ன் தேர்தல் பரப்புரை
சட்டப்பேரவைத் தேர்தல் நெருங்க நெருங்க, அரசியல் தலைவர்களும் அடுத்த கட்ட பரப்புரையை மேற்கொள்ள திட்டமிட்டு வருகின்றனர். ஏற்கெனவே 181 தொகுதிகளில் பரப்புரையை முடித்திருந்த EPS, பிப்.15-ம் தேதி முதல் தனது தேர்தல் பரப்புரை சுற்றுப்பயணத்தை மீண்டும் தொடங்குகிறார். அதன்படி, 15-ம் தேதி (ஞாயிற்றுக்கிழமை) மாலை 4 மணியளவில் பவானிசாகர் தொகுதிக்கு உள்பட்ட சத்தியமங்கலத்தில் பரப்புரை மேற்கொள்ளவுள்ளார்.
News February 11, 2026
கோவை, திருப்பூரில் 50% ஜவுளி உற்பத்தி நிறுத்தம்
கோவை, திருப்பூரில் இன்று முதல் 50% ஜவுளி உற்பத்தி நிறுத்தப்படுவதாக ஜவுளி உற்பத்தியாளர்கள் சங்க ஒருங்கிணைப்பாளர் சக்திவேல் அறிவித்துள்ளார். கடந்த 3 வாரமாக நூல் விலை கிலோவுக்கு 20% உயர்ந்துள்ளது. நூல் விலை உயர்வால் விற்பனை சரிந்து ₹100 கோடி மதிப்புள்ள துணிகள் தேக்கமடைந்துள்ளன. மேலும் தேக்கம் அதிகரிக்கும் என்பதால், 50% ஜவுளி உற்பத்தி நிறுத்தப்படுவதாகவும் அறிவித்துள்ளார்.