News January 21, 2026
திமுகவை வீட்டுக்கு அனுப்ப TTV வருகை: அண்ணாமலை
பாஜக மாநில தலைவர் நயினாருக்கு எதிராக கருத்து கூறி வந்த TTV, அண்ணாமலையுடன் நட்பை தொடர்ந்து வந்தார். இருவரும் அடிக்கடி சந்தித்து கூட்டணி குறித்து பேசி வந்த நிலையில், இன்று அமமுக, NDA கூட்டணியில் இணைந்துவிட்டது. இந்நிலையில், NDA கூட்டணியில் இணைந்த TTV-யின் அனுபவமும், தேர்ந்த வியூகங்களும், வரும் தேர்தலில் மக்கள் விரோத திமுக ஆட்சியை அகற்ற, முக்கியப் பங்கு வகிக்கும் எனக் கூறி அண்ணாமலை வரவேற்றுள்ளார்.
Similar News
News March 21, 2026
பனை தொழிலாளர்களா, பயங்கரவாதிகளா? சீமான்
கள் இறக்கிய பனை தொழிலாளர்களை பயங்கரவாதிகள் போல உள்ளாடையுடன் திருச்சி போலீஸார் சிறையில் அடைத்திருப்பது கொடுங்கோன்மை என சீமான் கண்டித்துள்ளார். கள்ளை முறையான ஆய்வுக்கு உட்படுத்தாமல் நச்சு கலந்த கள் என போலீஸ் கூறுவதில் இருந்தே முற்றிலும் இது புனையப்பட்ட நாடகம் என்பது உறுதியாகிறது. நாட்டின் பல மாநிலங்களில் கள் இறக்க தடை இல்லாதபோது, TN-ல் மட்டும் தடை எதற்கு எனவும் அவர் கேள்வி எழுப்பியுள்ளார்.
News March 21, 2026
பொதுத்தேர்வு.. பள்ளிகளுக்கு புதிய உத்தரவு
10-ம் வகுப்பு பொதுத்தேர்வு தொடங்கியுள்ள நிலையில், திங்கள் முதல் பள்ளிகளுக்கு புதிய அறிவுறுத்தல்களை அரசு வழங்கியுள்ளது. *தேர்வர்களின் முகப்புத் தாள்கள் முதன்மை விடைத்தாள்களுடன் இணைக்கப்பட்டிருப்பதை தேர்வுக்கு முன்னரே உறுதி செய்ய வேண்டும். *சொல்வதை எழுதுபவர் நியமனங்களில் அன்றைய தேர்வு பயிற்றுவிக்கும் ஆசிரியர்களை நியமிக்கக் கூடாது. *அறை கண்காணிப்பாளராக 10-ம் வகுப்பு ஆசிரியர்களை நியமிக்க கூடாது.
News March 21, 2026
அதிமுக கூட்டணியை CSK உடன் ஒப்பிட்ட TTV தினகரன்
டெல்லியில் இருந்தே அதிமுக இயக்கப்படுவதாக ஸ்டாலின் கடுமையாக விமர்சித்திருந்தார். இந்நிலையில், TTV புதிய விளக்கம் ஒன்றை கொடுத்துள்ளார். IPL-ல் தமிழ்நாட்டை CSK அணி பிரதிநிதித்துவப்படுத்துகிறது. அதற்கு தோனி கேப்டனாக உள்ளார். அதில் எத்தனை தமிழர்கள் உள்ளனர் என கேள்வி எழுப்பினார். முதலில் இதற்காக ஸ்டாலினை போராடச் சொல்லுங்கள் என்ற அவர், டெல்லி, தமிழ்நாடு என இனியும் பேசி மக்களை ஏமாற்ற முடியாது என்றார்.