News January 19, 2026
பொங்கல் ரிலீஸ் படங்களின் ரிப்போர்ட் என்ன?
இந்த பொங்கலுக்கு வெளியான பெரிய பட்ஜெட் படமான சிவகார்த்திகேயனின் ‘பராசக்தி’ கலவையான விமர்சனங்களை பெற்றது. 9 நாள்களில் இந்த படம் உலகளவில் ₹84 கோடியை வசூலித்துள்ளதாக தகவல் வெளிவந்துள்ளது. கலவையான விமர்சனங்களை பெற்ற கார்த்தியின் ‘வா வாத்தியார்’ 5 நாள்களில் ₹12.5 கோடியை வசூலித்துள்ளதாம். சர்ப்ரைஸ் என்ட்ரியாக நுழைந்த ஜீவாவின் ‘தலைவர் தம்பி தலைமையில்’ படம் இதுவரை ₹11 கோடிக்கும் மேல் வசூலித்துள்ளதாம்.
Similar News
News January 27, 2026
மீண்டும் திமுகவை சீண்டிய பிரவீன் சக்கரவர்த்தி
திமுக-காங்., கூட்டணியில் புகைச்சல் நிலவி வரும் நிலையில், காங்., நிர்வாகி பிரவீன் சக்கரவர்த்தி மீண்டும் திமுகவை சீண்டியுள்ளார். RBI புள்ளிவிவரப்படி கடந்த 15 ஆண்டுகளில் தமிழகத்தின் கடன் 10 மடங்கு அதிகரித்துள்ளது. அதே காலகட்டத்தில் தமிழக ஜிடிபி 4 மடங்கு மட்டுமே வளர்ந்துள்ளது. குறிப்பாக, தமிழக வருவாயில் 21% வட்டிக்கே செலவிடப்படுகிறது. இதை பேசினால் திமுகவினருக்கு பிரச்னையா என கேள்வி எழுப்பியுள்ளார்.
News January 27, 2026
நாடு முழுவதும் ATM-களில் ₹10, ₹20, ₹50 ரூபாய் நோட்டுகள்
₹10, ₹20, ₹50 நோட்டுகளை வழங்கும் புதிய ATM-ஐ அறிமுகப்படுத்த மத்திய அரசு திட்டமிட்டுள்ளது. ₹500 மற்றும் ₹100 நோட்டுகளுடன் மற்ற ரூபாய் நோட்டுகளையும் வழங்கும் ATM-கள் மும்பையில் சோதனை செய்யப்பட்டு வருவதாகவும், விரைவில் நாடு முழுவதும் கொண்டுவரப்படும் என்றும் தெரிவிக்கப்பட்டுள்ளது. மேலும், ATM-ல் சில்லறை வழங்கவும் பரிசீலிக்கப்பட்டு வருகிறது. அதாவது ₹500 நோட்டை செலுத்தி ஐந்து ₹100 நோட்டுகளை பெறலாம்.
News January 27, 2026
நாளை JEE தேர்வு.. இதை மறக்காதீங்க
பொறியியல் படிப்புகளுக்கான JEE மெயின் முதற்கட்ட தேர்வு நாளை நடைபெறவுள்ளது. நாடு முழுவதும் சுமார் 15 லட்சம் பேர் இத்தேர்வை எழுதவுள்ளனர். முதல் செஷன் காலை 9 முதல் 12 மணி, இரண்டாவது செஷன் மதியம் 3 முதல் 6 மணி வரையில் நடைபெறவுள்ளது. இதில் ஹால் டிக்கெட், பாஸ்போர்ட் சைஸ் போட்டோ, அடையாள அட்டை, பள்ளி ஐடி கார்டு ஆகியவற்றை தவறாமல் எடுத்துச் செல்லுங்கள். 8 மணிக்கே தேர்வு மையத்திற்கு சென்றுவிடுங்கள்.