News January 17, 2026
தவெகவில் இணைகிறாரா முன்னாள் மத்திய அமைச்சர்?
தஞ்சையில் நடந்த மகளிர் மாநாட்டில் புறக்கணிக்கப்பட்டதால், திமுக முன்னாள் மத்திய இணை அமைச்சர் S.S.பழனிமாணிக்கம், தவெகவில் இணையவிருப்பதாக தகவல் பரவியது. இந்நிலையில், தன்னை அடையாளப்படுத்தியது திமுகதான். வரும் தேர்தலில் ஏதாவது ஒரு தொகுதியில் போட்டியிட வாய்ப்பு வழங்கினால் போட்டியிடுவேன், இல்லையென்றால் தேர்தல் வெற்றிக்காக பாடுபடுவேன். என் உயிர் மூச்சு உள்ளவரை திமுகதான் என்று முற்றுப்புள்ளி வைத்துள்ளார்.
Similar News
News February 17, 2026
பிரசவம் பார்த்த பள்ளி மாணவி..
உ.பி.,யின் பஸ்கேரியில் உள்ள தனியார் நர்ஸிங் ஹோமில் +2 மாணவி மேற்கொண்ட சிசேரியன் ஆபரேஷனால் கர்ப்பிணி பரிதாபமாக உயிரிழந்தனர். விசாரணையில், வெறும் ₹3,000-க்கு இந்த ஆபரேஷன் செய்யப்பட்டதும், அது போலி நர்ஸிங் ஹோம் என்பதும் தெரியவந்துள்ளது. அந்த நர்ஸிங் ஹோமை நடத்தி வந்த மாணவி சுபம், BA பட்டதாரியான யோகேஷ்(32) ஆகியோரை போலீசார் அதிரடியாக கைது செய்துள்ளனர். போலி டாக்டர், நர்ஸ்களிடம் பொதுமக்கள் உஷாரா இருங்க.
News February 17, 2026
கடன் தள்ளுபடி: அமைச்சர் பட்டியலை வெளியிட்டார்
பட்ஜெட் தாக்கலின்போது, 2021-ல் கூட்டுறவு வங்கிகளில் கடன் தள்ளுபடி செய்யப்பட்ட விவரங்களை அமைச்சர் தங்கம் தென்னரசு பட்டியலிட்டார். அதன்படி, ₹12,359 கோடி மதிப்பிலான பயிர்க் கடன்கள், ₹4,880 கோடி மதிப்பிலான நகைக் கடன்கள் தள்ளுபடி செய்யப்பட்டிருப்பதாக தெரிவித்தார். மேலும், மகளிர் சுய உதவிக்குழுக்களின் ₹2,118 கோடி மதிப்பிலான கடன்களையும் அரசு தள்ளுபடி செய்திருப்பதாக அவர் குறிப்பிட்டுள்ளார்.
News February 17, 2026
கூட்டணியில் எந்த பிரச்னையும் இல்லை: ஷோடங்கர்
பேச்சுவார்த்தை நடத்த திமுகவின் அழைப்புக்காக காத்திருக்கிறோம் என கிரிஷ் ஷோடங்கர் தெரிவித்துள்ளார். சென்னையில் பேசிய அவர், கூட்டணி உள்பட அனைத்து விசயங்கள் குறித்தும் 5 பேர் கொண்ட கமிட்டி மூலம் பேச்சுவார்த்தை நடத்தி அறிக்கையை கட்சி மேலிடத்திற்கு தெரிவிப்போம் என்றும், அதுவரை யாரும் கூட்டணி தொடர்பான விவரங்களை பேசக்கூடாது; கூட்டணியில் எந்தவித பிரச்னையும் இல்லை எனவும் தெரிவித்துள்ளார்.