News January 13, 2026
சர்ச்சையில் சிக்கிய BRICS-ன் புதிய லோகோ!
பிரிக்ஸ் 2026 மாநாட்டை இந்தியா நடத்துகிறது. இந்நிலையில் அதற்கான புதிய லோகோ மற்றும் இணையதளத்தை வெளியுறவுத் துறை அமைச்சர் ஜெய்சங்கர் வெளியிட்டார். மேலும் இந்தாண்டு தலைமையேற்றுள்ள இந்தியா, மனிதநேயமே முதன்மை & மக்கள் மைய அணுகுமுறையை கடைப்பிடிக்கும் என தெரிவித்துள்ளது. எனினும் 2016-ம் ஆண்டு வெளியான BRICS லோகோவுடன் ஒப்பிட்டு, பெரிய மாற்றங்கள் செய்யாதது ஏன் என நெட்டிசன்கள் கேள்வி எழுப்பி வருகின்றனர்.
Similar News
News February 3, 2026
தங்க பெண்ணை பாராட்டிய ரஜினி!
சாலையில் கிடந்த 45 சவரன் தங்க நகையை உரியவரிடம் ஒப்படைத்த தூய்மை பணியாளர் பத்மாவை, நடிகர் ரஜினி நேரில் அழைத்து பாராட்டியுள்ளர். மேலும், பத்மாவின் தங்கமான குணத்தை பாராட்டி, அவருக்கு சால்வை அணிவித்து, தங்க செயின் ஒன்றையும் பரிசாக அளித்துள்ளார். சென்னை தி.நகரில் தூய்மை பணியாளராக பணியாற்றி வரும் பத்மா வேலை செய்து கொண்டிருந்த போது, 45 சவரன் தங்க நகைகள் கிடைத்தது குறிப்பிடத்தக்கது.
News February 3, 2026
வானதிக்கு அழுத்தம் கொடுக்கிறாரா SP.வேலுமணி?
கோவை தெற்கின் சிட்டிங் MLA-வாக இருக்கும் வானதியை கோவை வடக்கு தொகுதியில் போட்டியிடுமாறு SP.வேலுமணி அழுத்தம் கொடுப்பதாக தகவல் கசிந்துள்ளது. 2016-ல் கோவை தெற்கில் அதிமுகவின் அம்மன் அர்ஜுனன் வெற்றிபெற்றிருந்தார். ஆனால், 2021-ல் வானதி அத்தொகுதியை கேட்கவே, அம்மன் அர்ஜுனன் வடக்கில் போட்டியிட்டார். எனவே, வரும் தேர்தலில் அம்மன் அர்ஜுனனை மீண்டும் தெற்கில் நிற்க வைக்க SP.வேலுமணி திட்டமிடுவதாக கூறப்படுகிறது.
News February 3, 2026
தேர்தல் பொறுப்பில் இருந்து அண்ணாமலை விலகல்
சிங்காநல்லூர் உள்ளிட்ட 6 தொகுதிகளுக்கான தேர்தல் பொறுப்பில் இருந்து விலகுவதாக அண்ணாமலை அறிவித்துள்ளார். தனது தந்தைக்கு உடல்நிலை சரியில்லை என்பதால் இப்போது தன்னால் கட்சிப் பணிகளில் கவனம் செலுத்த முடியாது என அவர் தெரிவித்துள்ளார். மேலும், சட்டமன்ற தேர்தலில் போட்டியிடுவீர்களா என்ற கேள்விக்கு, காலமும் நேரமும்தான் முடிவு செய்யும் என சூசகமாகவே பதிலளித்தார்.