News January 12, 2026
புல்லட் ரயில் தாமதத்திற்கு ₹88,000 கோடி விலை!
இந்தியாவின் முதல் புல்லட் ரயில் (மும்பை – அகமதாபாத்) 2029 டிசம்பரில் செயல்பாட்டிற்கு வரும் என எதிர்பார்க்கப்படுகிறது. முதற்கட்டமாக சூரத் – பிலிமோரா இடையே 2027 ஆக.15-ம் தேதி இயக்கப்பட உள்ளது. இத்திட்டத்திற்கு முதலில் ₹1.1 லட்சம் கோடி நிதி ஒதுக்கப்பட்டது. ஆனால் கொரோனா, நிலம் கையகப்படுத்தல் உள்ளிட்ட காரணங்களால் 4 ஆண்டுகள் தாமதம் ஏற்பட்டதால், அதன் செலவுகள் தற்போது ₹1.98 லட்சமாக உயர்ந்துள்ளது.
Similar News
News January 21, 2026
ராமதாஸ் பெறாத பிள்ளை திருமா: பாமக MLA அருள்
திமுகவுடன் ராமதாஸ் கூட்டணி வைக்கலாம் என பாமக MLA அருள் சூசகமாக கூறியுள்ளார். ராமதாஸ் மீது எந்த வழக்கும் இல்லை, யாருடைய மிரட்டலுக்கும் பயப்பட வேண்டிய அவசியமில்லை எனக் கூறிய அவர், தைலாபுரம் இல்லத்தில் விரைவில் கூட்டணிக்கான கையெழுத்து போடப்படும் என்றார். ராமதாஸ் பெறாத பிள்ளைதான் திருமாவளவன்; அரசியலில் எதுவும் நடக்கலாம் என்பதற்கு உதாரணம் தான் டிடிவி, NDA கூட்டணியில் இணைந்தது எனவும் தெரிவித்தார்.
News January 21, 2026
அதிமுக கூட்டணியில் புதிதாக இணைந்த 5 கட்சிகள்
NDA-வில் ஐஜேகே தொடருவதாகவும், தனிச் சின்னத்தில் போட்டியிட இருப்பதாகவும் பாரிவேந்தர் அறிவித்துள்ளார். அதேபோல், வளரும் தமிழகம் கட்சியின் தலைவர் பாலை பட்டாபிராமன், அகில இந்திய முக்குலத்தோர் பாசறை கட்சி நிறுவனர் சிற்றரசு, பாரதிய பார்வர்டு பிளாக் கட்சியின் நிறுவனர் முருகன்ஜீ, தமிழ் மாநில முஸ்லிம் லீக் கட்சியின் தலைவர் ஷேக் தாவூத் ஆகியோர் EPS-ஐ சந்தித்து அதிமுகவுக்கு ஆதரவு அளித்துள்ளனர்.
News January 21, 2026
அமமுகவுக்கு 8 தொகுதிகளா? முற்றுப்புள்ளி வைத்த TTV
NDA கூட்டணியில் இணைந்துள்ள அமமுகவுக்கு 8 தொகுதிகள் வரை ஒதுக்கப்பட வாய்ப்புள்ளதாக செய்திகள் வெளியாகின. இந்நிலையில், தற்போது கூட்டணியில் மட்டுமே இணைந்துள்ளோம்; தொகுதிப் பங்கீடு குறித்து இதுவரை பேச்சுவார்த்தை நடைபெறவில்லை என்று TTV விளக்கமளித்துள்ளார். தொகுதிப்பங்கீடு தொடர்பாக விரைவில் அதிகாரப்பூர்வ அறிவிப்பு வெளியாகும். அதுவரை, உண்மைக்கு புறம்பான செய்திகளை தவிர்க்குமாறு அவர் கேட்டுக்கொண்டுள்ளார்.