News January 10, 2026
புலி பட வழக்கு: விஜய் பதிலளிக்க உத்தரவு
‘புலி’ படத்திற்கு பெற்ற ₹15 கோடி வருமானத்தை விஜய் மறைத்ததாக கூறி ₹1.50 கோடி அபராதத்தை IT விதித்திருந்தது. இதை எதிர்த்து HC-ல் தாக்கல் செய்யப்பட்ட வழக்கு விசாரணையில், காலதாமதமாக அபராதம் விதிக்கப்பட்டதாக விஜய் தரப்பில் வாதிட்டனர். ஆனால் அபராதம் விதித்ததில் எந்த தவறும் இல்லை என IT தெரிவித்துள்ளது. இதனையடுத்து விஜய் தரப்பில் பதிலளிக்க கோர்ட் உத்தரவிட்ட செய்தி நேற்று இரவு வெளியானது.
Similar News
News February 19, 2026
விமானத்தில் பிரச்னை செய்தால்.. 30 நாள் பறக்க தடை
விமானங்களில் சக பயணிகள் மற்றும் பணியாளர்களுக்கு பிரச்னையை ஏற்படுத்தும் பயணிகள் மீது விமான நிறுவனங்கள் கடுமையான நடவடிக்கை எடுக்க DGCA அனுமதி அளித்துள்ளது. புதிய விதிகளின்படி, விமானத்தில் புகைபிடித்தல் அல்லது மது அருந்திவிட்டு சண்டையிட்டால் 30 நாள்கள் வரை விமானத்தில் பயணம் செய்ய தடை விதிக்கப்படும். அதேபோல், விமானியின் அறைக்குள் நுழைய முயற்சித்தால், 2 ஆண்டுகளுக்கு மேல் தடை விதிக்கப்படும்.
News February 19, 2026
ரபேல் இந்தியாவை மேலும் வலிமையாக்கும்: மேக்ரான்
ரபேல் போர் விமானங்கள் இந்தியாவை மேலும் வலுப்படுத்தும் என்று பிரான்ஸ் அதிபர் மேக்ரான் கூறியுள்ளார். 114 ரபேல் விமானங்களை வாங்குவதற்கான இந்தியாவின் முடிவை வரவேற்ற அவர், இது இருநாடுகளின் உறவை அடுத்தக்கட்டத்துக்கு கொண்டுசெல்லும் என்றார். ரபேல் உள்நாட்டு உற்பத்தி(Make in India) அதிக வேலைவாய்ப்புகளை உருவாக்கும் என்றும், நீர்மூழ்கி கப்பல் திட்டத்தில் இருநாடுகளும் இணைந்து செயல்படும் என்றும் தெரிவித்தார்.
News February 19, 2026
திமுக கூட்டணியில் தேமுதிக.. மனவேதனையில் தமிழிசை
மூழ்கும் கப்பலில் கேப்டனின் தொண்டர்களை பிரேமலதா சேர்த்திருப்பதாக தமிழிசை விமர்சித்துள்ளார். திமுகவுடன் கூட்டணி அமைக்கும் முடிவை எடுத்த பிரேமலதாவுக்கு தனது அனுதாபங்கள் என்றும், இது நிச்சயமாக தேமுதிக தொண்டர்களின் விருப்பமாக இருந்திருக்க வாய்ப்பில்லை எனவும் அவர் தெரிவித்தார். இதனால், NDA கூட்டணிக்கு எந்த பின்னடைவும் இல்லை என்றும் தமிழிசை கூறினார்.