News May 4, 2024
விபத்தில் காயமடைந்தோருக்கு இபிஎஸ் ஆறுதல்
ஏற்காடு மலைப்பாதையில் மே 1இல் நடந்த பேருந்து விபத்தில் 5 பேர் உயிரிழந்தனர். மேலும் பலர் படுகாயமடைந்தனர். இந்நிலையில், சேலம் அரசு மருத்துவமனையில் சிகிச்சையில் உள்ளவர்களை நேரில் சந்தித்து இபிஎஸ் ஆறுதல் தெரிவித்தார். தொடர்ந்து, விபத்தில் உயிரிழந்தவர்கள் குடும்பத்திற்கு அரசு தலா ₹10 லட்சம் வழங்குமாறும், படுகாயமடைந்தவர்களுக்கு தலா ₹2 லட்சம் அளிக்கவும் வலியுறுத்தினார்.
Similar News
News November 17, 2025
சர்ச்சையில் சிக்கிய இயக்குநர் ராஜமௌலி
வாரணாசி பட விழாவில் தனக்கு கடவுள் நம்பிக்கை இல்லை என ராஜமௌலி கூறியிருந்தார். இதனையடுத்து, அவரது பழைய ட்வீட் ஒன்று வைரலாகி வருகிறது. அதில், தனக்கு ராமரை பிடிக்காது, கிருஷ்ணரை மிகவும் பிடிக்கும் என்று பதிவிட்டிருந்தார். இந்நிலையில், ராமர் பிடிக்காது என்றால் அவர் பெயரில் படங்கள் எடுத்து ஏன் பணம் சம்பாதிக்கிறார்கள் என நெட்டிசன்கள் தற்போது கேள்வி எழுப்பி வருகின்றனர்.
News November 17, 2025
பிஹாரில் ஆதிக்கம் செலுத்தும் பெண் MLA-க்கள்
பிஹாரில் பெண் MLA-க்கள் ஆதிக்கம் ஒவ்வொரு தேர்தலிலும் அதிகரித்து வருவதாக கூறப்படுகிறது. கடந்த தேர்தலில் 26 பெண்கள் வெற்றிபெற்ற நிலையில், தற்போது 29-ஆக உயர்ந்துள்ளது. இதில், 26 பேர் NDA கூட்டணியை சேர்ந்தவர்கள். கடந்த முறை குற்றப் பின்னணி கொண்ட MLA-க்களின் எண்ணிக்கை 163-ஆக இருந்த நிலையில், இது இந்த முறை 130-ஆக குறைந்துள்ளது. அதேநேரம் பட்டதாரிகள் எண்ணிக்கை 149-லிருந்து 147-ஆக குறைந்துள்ளது.
News November 17, 2025
ஐயப்ப பக்தர்களுக்கு ₹500-ல் ஆன்மிக சுற்றுலா
சபரிமலை ஐயப்பன் கோயிலில், பக்தர்கள் குவிந்தவண்ணம் உள்ளனர். ஐயப்பனின் வாழ்க்கையோடு தொடர்புடைய ஆரியங்காவு, அச்சன்கோயில், பந்தளம், குளத்துப்புழை, குருவாயூர் உள்ளிட்ட 72 ஆன்மிக தலங்களை இணைக்கும் படியான சுற்றுலா திட்டத்தை KSRTC அறிமுகப்படுத்தியுள்ளது. ஒரு நபருக்கு ₹500 – ₹700 வரை மட்டுமே டிக்கெட் கட்டணம் நிர்ணயிக்கப்பட்டுள்ளது. இதற்கான டிக்கெட்டுகளை பத்தனம்திட்டா, பம்பை பஸ் ஸ்டாண்ட்களில் பெறலாம்.