News January 8, 2026
8 போர்களை நிறுத்தியும் நோபல் பரிசு இல்லை: டிரம்ப்
அமைதிக்கான நோபல் பரிசு வழங்காததற்காக நார்வே மீது தனது கோபத்தை டிரம்ப் வெளிப்படுத்தினார். தனியாக 8 போர்களை நிறுத்திய தன்னை, NATO உறுப்பினரான நார்வே நோபல் பரிசுக்கு பரிந்துரைக்காதது முட்டாள்தனமான செயல் என சாடினார். ஆனால், நோபல் தனக்கு ஒரு பொருட்டல்ல என்றும் பல கோடி உயிர்களைக் காப்பாற்றியதே போதும் எனவும் குறிப்பிட்டார். US இல்லை என்றால் NATO மீது சீனா, ரஷ்யாவுக்கு பயம் இருக்காது எனவும் கூறினார்.
Similar News
News February 7, 2026
பட்ஜெட்டில் தமிழகம் வஞ்சிப்பு: திமுக கூட்டணி ஆர்ப்பாட்டம்
பிப்.12-ல் திமுக தலைமையிலான மதச்சார்பற்ற முற்போக்கு கூட்டணி சார்பில் மாபெரும் கண்டன ஆர்ப்பாட்டம் நடைபெறும் என அறிவிக்கப்பட்டுள்ளது. மத்திய பட்ஜெட்டில் தமிழகத்தை வஞ்சித்த பாஜக & அதற்கு துணைபோகும் அதிமுகவை கண்டித்து இந்த ஆர்ப்பாட்டம் நடைபெறவுள்ளதாக தெரிவிக்கப்பட்டுள்ளது. இதன்படி, தமிழகத்தின் அனைத்து மாநகரங்களில் தலா ஒரு இடம் & பேரூர், ஒன்றிய அளவிலும் ஆர்ப்பாட்டத்தை நடத்த அறிவுறுத்தப்பட்டுள்ளது.
News February 7, 2026
அதிமுக-பாஜக கூட்டணிக்கு OPS, சசிகலா ஆதரவு: தினகரன்
OPS மற்றும் சசிகலா தனி பாதையில் செல்லமாட்டார்கள் என TTV தினகரன் உறுதியாக கூறியுள்ளார். அவர்களால் அதிமுகவுக்கு எந்த பாதகமும் ஏற்படாது என்ற அவர், அதிமுக-பாஜக வெற்றிக்காக அவர்கள் ஆதரவளிப்பார்கள் எனவும் தெரிவித்துள்ளார். EPS-ன் எதிர்ப்பால் OPS-ம், சசிகலாவும் NDA-வில் இணைய வாய்ப்பே இல்லை என கூறப்பட்ட நிலையில், TTV இப்படி தெரிவித்திருப்பது அரசியல் வட்டாரத்தில் புதிய திருப்பம் ஏற்படுத்தியுள்ளது.
News February 7, 2026
Epstein Files-ல் சிக்கிய பிரபல இந்திய இயக்குநர் இவரா?
உலகம் முழுவதையும் உலுக்கியுள்ள எப்ஸ்டீன் கோப்புகளில், ‘Bollywood Guy’ என்ற பெயர் இடம்பெற்றிருந்தது. இது பிரபல இயக்குநர் அனுராக் காஷ்யப் தான் என பலரும் கூறிவந்த நிலையில், அதற்கு அவரே விளக்கமளித்துள்ளார். எப்ஸ்டீன் கோப்புகளில் நான் சென்றிருப்பதாக குறிப்பிடப்பட்டிருக்கும் பீஜிங்கிற்கு தான் இதுவரை சென்றதே இல்லை எனவும், எனவே இதுபோன்ற விஷயங்களை நம்பவேண்டாம் என்றும் அவர் கூறியுள்ளார்.