News January 7, 2026
‘ஜனநாயகன்’ சிக்கலுக்கு பாஜக காரணமா? தமிழிசை
‘ஜனநாயகன்’ படத்துக்கு தணிக்கை சான்றிதழ் கிடைக்காததற்கும் பாஜகவுக்கும் எந்த தொடர்பும் இல்லை என தமிழிசை விளக்கம் அளித்தார். சென்சார் சொன்ன திருத்தங்களை படக்குழு செய்யாததால் சான்றிதழ் கிடைப்பதில் தாமதம் ஏற்பட்டிருக்கலாம் என்றும் கூறினார். மேலும் விஜய்யின் கடைசி படம் ஜனநாயகன் என்பதை நம்பவில்லை என்றும் நடிகர்கள் அரசியலில் சாதிக்கவில்லையென்றால் மீண்டும் நடிக்க சென்றுவிடுவார்கள் எனவும் விமர்சித்தார்.
Similar News
News February 9, 2026
இராமநாதபுரத்தில் உள்ள உலகின் முதல் கோவில்
உத்திரகோசமங்கை சிவன் கோயில்தான் உலகில் தோன்றிய முதல் சிவன் கோயில். ராமாயண காலத்திற்கு முன்பே இந்த கோவில் உள்ளது என தகவல். இதனை ‘மண் தோன்றியபோதே மங்கை தோன்றியது’ என்ற சொல் மொழியின் மூலமாக அறியலாம். உலகில் இங்குள்ள எந்த சிவன் கோயிலிலும் சிவனுக்கு தாழம்பூ வைத்து பூஜிக்கப்படுவதில்லை. இங்கு மட்டும் சிவனுக்கு தாழம்பூவைக் கொண்டு அர்ச்சனை நடக்கிறது. நடராஜர் திருமேனி மரகதத்தால் ஆனது இதன் தனி சிறப்பு.
News February 9, 2026
PM மோடிக்கு தைரியமில்லை: பெண் MP-க்கள் கடிதம்
PM மோடியை தாக்க காங்கிரஸ் பெண் MP-க்கள் முயற்சித்ததாக, சபாநாயகர் ஓம் பிர்லா வைத்த குற்றச்சாட்டு பெரும் விவாதத்தை கிளப்பியது. இந்நிலையில் இது அடிப்படை ஆதாரமற்ற குற்றச்சாட்டு என காங். பெண் MP-க்கள் ஓம் பிர்லாவுக்கு கடிதம் எழுதியுள்ளனர். மேலும் எதிர்கட்சிகளின் கேள்விகளை எதிர்கொள்ள தைரியமில்லாமலேயே PM அவைக்கு வரவில்லை என்றும் இது ஒரு பயத்தின் வெளிப்பாடு எனவும் பெண் MP-க்கள் குற்றம்சாட்டியுள்ளனர்.
News February 9, 2026
திமுகவில் இணையும் அதிமுக முன்னாள் அமைச்சர் நீலோபர்
வாணியம்பாடி அதிமுகவைச் சேர்ந்த Ex அமைச்சர் நீலோபர், திமுகவில் இணையவுள்ளதாக தகவல் வெளியாகியுள்ளது. கட்சிக்கு எதிரான நடவடிக்கையில் ஈடுபட்டதாக 2021-ல் அதிமுகவில் இருந்து அவர் நீக்கப்பட்டார். தற்போது, அதிமுக நிகழ்ச்சிகளில் அவர் பங்கேற்று வந்தாலும், கே.சி.வீரமணிக்கே முக்கியத்துவம் அளிக்கப்படுகிறதாம். இதனால், பிப்.14 அன்று ஸ்டாலின் முன்னிலையில் திமுகவில் இணைய அவர் முடிவெடுத்துள்ளதாக கூறப்படுகிறது.