News January 2, 2026
‘ரஜினி 173’ இயக்குநர் யார்? நாளை விடைதரும் RKFI
கமல்ஹாசனின் ராஜ்கமல் நிறுவனம் தயாரிப்பில் ‘ரஜினி 173’ படம் உருவாக உள்ளது. இந்த படத்தில் இருந்து சுந்தர் சி விலகிய பின், படம் குறித்த எந்த அப்டேட்டையும் படக்குழு வெளியிடவில்லை. இதனிடையே படத்தை யார் இயக்கப்போகிறார் என்ற எதிர்பார்ப்பு ரசிகர்களிடம் அதிகரித்தது. இந்நிலையில் நாளை காலை 11 மணிக்கு ரஜினி 173 குறித்த அறிவிப்பு வெளியாகும் என ராஜ்கமல் நிறுவனம் தெரிவித்துள்ளது.
Similar News
News February 3, 2026
பிரபல இசையமைப்பாளர் காலமானார்.. கண்ணீர் அஞ்சலி
பழம்பெரும் இசையமைப்பாளர் SP வெங்கடேஷ்(70) மாரடைப்பால் காலமானார். கிட்டார் கலைஞராக இசைப் பயணத்தை தொடங்கிய அவர், தமிழ், மலையாளம், தெலுங்கு உள்ளிட்ட 250-க்கும் மேற்பட்ட படங்களுக்கு இசையமைத்துள்ளார். ‘உனக்காக என் காதல்’, ‘பிஞ்சு மனசு’ உள்ளிட்ட தமிழ் படங்களுக்கு இசையமைத்துள்ள வெங்கடேஷ், ஃபிலிம்ஃபேர் உள்ளிட்ட விருதுகளையும் பெற்றுள்ளார். அவரது இறுதிச் சடங்கு சென்னையில் நாளை நடைபெறவுள்ளது. RIP
News February 3, 2026
வரியை குறைக்க வைத்த இந்தியாவின் ராஜதந்திரம்
இந்தியாவை ‘Tariff King’ என விமர்சித்த US அதிபர் டிரம்ப், தற்போது நண்பர் என்று கூறி வரியை குறைத்துள்ளார். US-ன் கூடுதல் வரிவிதிப்புக்கு பிறகு இந்தியா, ஐரோப்பிய ஒன்றியத்துடன் ஒப்பந்தங்கள் கையெழுத்தாகின. ரஷ்யாவில் இருந்து எண்ணெய் இறக்குமதி செய்தது போன்றவை USA-ஐ கலங்கடித்திருக்கலாம் எனப்படுகிறது. அதன் காரணமாகவே, US அதிபர் வரியை 50%-ல் இருந்து 18%-ஆக குறைத்து அறிவித்துள்ளார் எனவும் கூறப்படுகிறது.
News February 3, 2026
ஜெயக்குமார் அதிமுகவில் இருந்து விலகினாரா? CLARITY
கடந்த சில மாதங்களாக தலைகாட்டாமல் இருந்த அதிமுக முன்னாள் அமைச்சர் டி.ஜெயக்குமார், விரைவில் கட்சியில் இருந்து விலகி வேறு கட்சியில் இணையவுள்ளதாக தகவல் வெளியானது. இந்நிலையில், தனது உயிர் உள்ளவரை அதிமுகவிலேயே நீடிப்பேன் என, கட்சி மாறப்போவதாக வெளியான தகவலுக்கு மறுப்பு தெரிவித்துள்ளார். மேலும், வரும் தேர்தலில் தொகுதி மாறப் போவதாக (தற்போது ராயபுரம்) வரும் தகவலிலும் உண்மையில்லை என தெளிவுபடுத்தியுள்ளார்.