News December 31, 2025
12 சிக்ஸர்கள், 9 பவுண்டரிகள்.. ருத்ரதாண்டவம் ஆடிய சர்பராஸ்
விஜய் ஹசாரே தொடரில், கோவா அணிக்கு எதிரான மேட்ச்சில் மும்பை வீரர் சர்பராஸ் கான் ருத்ரதாண்டவம் ஆடியுள்ளார். வெறும் 75 பந்துகளில் 157 ரன்களை குவித்து மலைக்க வைத்துள்ளார். அவரது இன்னிங்ஸில் 12 சிக்ஸர்களும், 9 பவுண்டரிகளும் அடங்கும். 56 பந்துகளில் சதமடித்த அவர், அடுத்த 19 பந்துகளில் 57 ரன்களை விளாசி மிரட்டி இருக்கிறார். இந்த போட்டியில் மும்பை அணி, 50 ஓவர்களில் 444/8 ரன்களை குவித்துள்ளது.
Similar News
News January 11, 2026
பொங்கல் பரிசால் உயிர் பறிபோனது
திருச்சி கருங்குளத்தை சேர்ந்த ஜெனிபருக்கும், அவரது கணவருக்கும் இடையே தமிழக அரசு அறிவித்த ₹3000 பொங்கல் பரிசுத் தொகையை யார் வாங்குவது என்பதில் தகராறு ஏற்பட்டுள்ளது. இருவருக்கும் இடையே சண்டை முற்றிய நிலையில், மனமுடைந்த ஜெனிபர் வீட்டில் தூக்கிட்டு தற்கொலை செய்து கொண்டது பெரும் அதிர்ச்சியை ஏற்படுத்தியுள்ளது. அவரின் உடலை கைப்பற்றி, போலீசார் தீவிர விசாரணை மேற்கொண்டு வருகின்றனர்.
News January 11, 2026
அன்புமணிக்கு அதிர்ச்சி கொடுத்த ராமதாஸ்
அன்புமணி தரப்பு பாமக அதிமுக கூட்டணியில் இணைந்த நிலையில், தேர்தல் கூட்டணி குறித்து பேசுவதற்கு அன்புமணிக்கு அதிகாரமில்லை என ECI-க்கு ராமதாஸ் கடிதம் எழுதியுள்ளார். கூட்டணி தொடர்பாக முடிவெடுக்க தனக்கு மட்டுமே அதிகாரம் உள்ளதாக ராமதாஸ் தெரிவித்துள்ளார். பாமக பெயரை அன்புமணி சட்டவிரோதமாக பயன்படுத்துவதாகவும், இதனால் அவர் மீது நடவடிக்கை எடுக்க வேண்டும் என்றும் ராமதாஸ் கடிதத்தில் குறிப்பிட்டுள்ளார்.
News January 11, 2026
கங்குலியை முந்திய கிங் கோலி
இந்திய அணிக்காக அதிக ODI விளையாடியவர்கள் பட்டியலில் கங்குலியை (308) பின்னுக்கு தள்ளி கோலி 5-வது இடத்திற்கு முன்னேறியுள்ளார். இன்று NZ-க்கு எதிராக அவர் விளையாடுவது 309-வது ODI ஆகும். இதில் சச்சின் (463), தோனி (347), டிராவிட் (340), அசாருதின் (334) முதல் 4 இடங்களில் உள்ளனர். 2027 WC வரை கோலி விளையாடுவார் என எதிர்பார்க்கப்படும் நிலையில், இன்னும் 39 போட்டிகளில் விளையாடினால் தோனியை முந்த வாய்ப்புள்ளது.