News December 31, 2025
காங்., தலைவரிடம் கூறிவிட்டேன்: ப.சிதம்பரம்
தமிழ்நாட்டில் இண்டியா கூட்டணி வலியமையாக உள்ளதாக ப.சிதம்பரம் தெரிவித்துள்ளார். புதுக்கோட்டையில் பேட்டியளித்த அவர், தமிழகத்தை பற்றி கவலைப்பட வேண்டாம்; இங்கு திமுக கூட்டணிதான் வெற்றிபெறும் என்று காங்கிரஸ் தலைவரிடம் கூறிவிட்டதாக குறிப்பிட்டார். தமிழகத்தில் ஒரு சில இடங்கள் கடினமானதாக இருந்தாலும், புதுக்கோட்டை, சிவகங்கை உள்ளிட்ட மாவட்டங்களில் திமுக கூட்டணி எளிதில் வெற்றிபெறும் என்றும் அவர் கூறினார்.
Similar News
News February 3, 2026
நாட்டு நிலவரம் தெரியாமல் பிதற்றும் விஜய்: சிவசங்கர்
விசில் சின்னத்திற்கு CM ஸ்டாலின் வாக்களிப்பார் என விஜய் கூறியதற்கு அமைச்சர் சிவசங்கர் பதிலடி கொடுத்துள்ளார். மக்களை நேரடியாக சந்திக்கும் திமுக தலைவர்களுக்குத்தான் உண்மையான நிலவரம் தெரியும் என்ற அவர், தன் இருப்பிடத்திற்கு எல்லோரையும் வரவழைத்து பேசும் விஜய்க்கு நாட்டு நிலவரம் தெரியாது எனவும் சாடினார். மேலும், விஜய் பிதற்றுகிறார் என்றும் அவர் காட்டமாக விமர்சித்தார்.
News February 3, 2026
தங்கம் விலை மேலும் குறைந்தது
சர்வதேச சந்தையில் தங்கம் விலை கடந்த வாரம் வரலாறு காணாத புதிய உச்சமாக 1 அவுன்ஸ்(28g) $5,500-ஐ கடந்திருந்தது. தற்போதைய நிலவரப்படி 1 அவுன்ஸ் $47 (இந்திய மதிப்பில் ₹4,238) குறைந்து $4,800-க்கு விற்பனையாகிறது. இதே நிலை நீடித்தால் இன்றைய தினம் இந்திய சந்தையிலும் தங்கம் விலை குறைய வாய்ப்புள்ளது.
News February 3, 2026
மொழி திணிப்பை ஏற்கமாட்டேன்: ஐகோர்ட் நீதிபதி
மொழிப்போர் பற்றி மகனிடம் சொல்லிக்கொடுக்காமல் தன் கடமையில் இருந்து தவறியதாக சென்னை HC நீதிபதி ஆனந்த் வெங்கடேஷ் கூறியுள்ளார். ‘பராசக்தி’ படம் பார்த்த தனது மகனிடம் மொழிப்போர் குறித்து கேட்டதாகவும், தெரியாது என பதில் வந்ததால் அவமானப்பட்டதாகவும் பேசியுள்ளார். மேலும் தமிழ் மொழி மீது உள்ள செருக்கின் காரணமாக, மற்றவர்கள் ஒரு மொழியை தன் மீது திணித்தால் அதை என்றுமே ஏற்கமாட்டேன் எனவும் தெரிவித்துள்ளார்.