News December 30, 2025
திமுக ஒரு இன்ஜின் இல்லாத கார்: EPS
இன்ஜின் இல்லாத திமுக என்ற காரை, 10 ஆண்டுகளாக கூட்டணி என்ற லாரி இழுத்து செல்வதாக EPS விமர்சித்துள்ளார். கும்மிடிப்பூண்டியில் இன்று பேசிய அவர், இப்போது ஆட்சியில் பங்கு கேட்டு, அதே கூட்டணி என்ற லாரி மக்கர் செய்கிறது என்றார். மேலும், 1999-ல் திமுக-பாஜக கூட்டணி அமைத்து வெற்றி பெற்றபோது, உங்களுக்கு பாஜக நல்ல கட்சி. ஆனால் அதிமுகவுடன் கூட்டணி வைத்தால் பாஜக மதவாத கட்சியா என கேள்வி எழுப்பினார்.
Similar News
News February 5, 2026
திமுக கூட்டணியில் இருந்து முக்கிய கட்சி விலகலா?
திமுக கூட்டணியிலிருந்து யாரையும் விடுவதாக இல்லை என்று அமைச்சர் ரகுபதி தெரிவித்துள்ளார். கூட்டணியில் உள்ளவர்கள் வேறு எங்கு சென்றாலும் அவர்களுக்கு எந்த சீட்டும் கிடைக்காது என்பது அவர்களுக்கு தெரியும் என்றும் அவர் கூறியுள்ளார். கூட்டணிக்கு புதிய கட்சிகள் வருவது பற்றி தலைமையே முடிவெடுக்கும் என்றார். திமுக கூட்டணியிலிருந்து காங்., வெளியேறவுள்ளதாக தகவல் கசிந்த நிலையில், அவர் இவ்வாறு கூறியுள்ளார்.
News February 5, 2026
PM மோடியை தாக்க எதிர்க்கட்சிகள் சதி: ஓம் பிர்லா
PM மோடியை பார்லிமெண்ட்டுக்கு வரவேண்டாம் என்று தான்தான் சொன்னேன் என லோக்சபா சபாநாயகர் ஓம் பிர்லா தெரிவித்துள்ளார். PM மோடியை தாக்க எதிர்க்கட்சிகள் சதி செய்திருப்பதால் அப்படி சொன்னதாக அவர் கூறியுள்ளார். சீன ஆக்கிரமிப்பு, அமெரிக்காவுடன் வணிக ஒப்பந்தம் உள்ளிட்ட எதிர்க்கட்சிகளின் குற்றச்சாட்டுக்கு பதில் சொல்ல பயந்து PM மோடி அவைக்கு வரவில்லை என ராகுல் காந்தி குற்றம்சாட்டியிருந்தது குறிப்பிடத்தக்கது.
News February 5, 2026
அதிமுக கூட்டணியில் மேலும் ஒரு கட்சி இணைந்தது
2026 சட்டமன்ற தேர்தலில் அதிமுகவுக்கு ஆதரவளிப்பதாக அகில இந்திய பார்வர்டு பிளாக் கட்சி அறிவித்துள்ளது. சென்னை பசுமை வழிச்சாலை இல்லத்தில் EPS-ஐ அக்கட்சியின் மாநில பொதுச் செயலாளர் கதிரவன் உள்ளிட்ட நிர்வாகிகள் சந்தித்து ஆதரவைத் தெரிவித்தனர். EPS அருமையான தேர்தல் வாக்குறுதிகளை அளித்திருப்பதாகவும், தேர்தலில் வென்று அவர் முதல்வராக பதவியேற்பார் என்றும் கதிரவன் தெரிவித்துள்ளார்.