News December 26, 2025
F1 பட வசூலை முறியடித்த அவதார்!
நடப்பாண்டில் ரிலீஸ் ஆன ஹாலிவுட் படங்களிலேயே இந்தியாவில் அதிக வசூலை பெற்று ஜேம்ஸ் கேமரூனின் ‘Avatar Fire and Ash’ திரைப்படம் சாதனை படைத்துள்ளது. கடந்த 19-ம் தேதி வெளியான இப்படம் 7 நாள்களில் சுமார் ₹131 கோடியை வாரி குவித்து, பிராட் பிட் நடிப்பில் வெளியான F1 படத்தின் சாதனையை(₹20.75) முறியடித்துள்ளது. மேலும் உலகளவில் இந்திய மதிப்பில் சுமார் ₹4,000 கோடியை அவதார் வசூல் செய்துள்ளதாக தகவல் வெளிவந்துள்ளது.
Similar News
News January 14, 2026
சூறாவளி சுற்றுப்பயணத்திற்கு ரெடியான திமுக
திமுக தேர்தல் அறிக்கை தயாரிப்பு குழு வரும் 19-ம் தேதி முதல் மாநிலம் முழுவதும் சுற்றுப்பயணம் மேற்கொள்ள உள்ளதாக அறிவிக்கப்பட்டுள்ளது. அதேபோல், பிப்.4, 5-ம் தேதிகளில் அண்ணா அறிவாலயத்தில் துறை சார்ந்த குழுக்களுடன் தேர்தல் அறிக்கை தயாரிப்பு குழுவினர் ஆலோசனை நடத்த உள்ளதாகவும் தெரிவிக்கப்பட்டுள்ளது. அனைத்து குடிமக்களின் குரலாக தேர்தல் அறிக்கை இருக்க வேண்டும் என்றும் குழுவிற்கு அறிவுறுத்தப்பட்டுள்ளது.
News January 14, 2026
சபரிமலையில் இன்று மகரஜோதி!
சபரிமலை, மகரவிளக்கு சீசனின் முத்தாய்ப்பு நிகழ்ச்சியாக இன்று மகரஜோதி தரிசனம் நடக்கிறது. ஜோதி வடிவில் காட்சி தரும் ஐயப்பனை காண லட்சக்கணக்கான பக்தர்கள், தற்காலிக கூடாரங்கள் அமைத்து அங்கே தங்கியுள்ளனர். மகரஜோதியை காண சபரிமலையை சுற்றி 14 இடங்கள் தேர்வு செய்யப்பட்டுள்ளன. மேலும், கோயிலுக்குள் 30,000 பேர் மட்டுமே தரிசனம் செய்ய அனுமதிக்கப்படுவார்கள் என அறிவிக்கப்பட்டுள்ளது.
News January 14, 2026
₹10,000 கோடியில் தமிழில் AI: அமைச்சர் TRB ராஜா
தமிழில் இயங்கும் AI மென்பொருளை உருவாக்க சர்வம் AI நிறுவனத்துடன் ஒப்பந்தம் செய்யப்பட்டுள்ளதாக அமைச்சர் TRB ராஜா தெரிவித்துள்ளார். இந்த ₹10,000 கோடி முதலீடு 1,000 பேருக்கு உயர் தொழில்நுட்ப வேலை வாய்ப்பை உருவாக்கும். உலகத்திற்கான தயாரிப்பை தமிழகம் உருவாக்க வேண்டும் என்பதே அரசின் நோக்கம். இதன்மூலம், சங்க காலத்திற்கு பிறகு டிஜிட்டல் சங்க காலத்தை உருவாக்க இருப்பதாகவும் அவர் தெரிவித்துள்ளார்.