News May 1, 2024
சல்மான் வீடு மீது துப்பாக்கிச் சூடு நடத்தியவர் தற்கொலை
நடிகர் சல்மான் கான் வீட்டின் மீது துப்பாக்கிச் சூடு நடத்தி கைதான அனுஜ் தாபன் தற்கொலை செய்துகொண்டார். மும்பையில் உள்ள சல்மான் வீட்டின் சுற்றுச்சுவரில் சில நாட்களுக்கு முன்பு 2 பேர் துப்பாக்கிச் சூடு நடத்தினர். இதுதொடர்பாக கைதான அனுஜ், மும்பை சிறப்புப் படை போலீசாரின் விசாரணையில் இருந்தபோது தற்கொலைக்கு முயற்சித்தார். இதையடுத்து மருத்துவமனையில் அனுமதிக்கப்பட்ட அவர், சிகிச்சை பலனின்றி உயிரிழந்தார்.
Similar News
News March 20, 2026
FLASH: தங்கம் விலை பெரியளவில் குறைகிறது
போர்ச் சூழலுக்கு நடுவே இம்மாதத்தில் மட்டும் தங்கம் விலை சவரனுக்கு சுமார் ₹15,000 வரை குறைந்துள்ளது. 22 கேரட் தங்கம் 1 சவரன் தற்போது ₹1,11,600-க்கு விற்பனை செய்யப்பட்டு வருகிறது. இது மேலும் குறைந்து ₹1 லட்சம் வரை செல்லும் என நிபுணர்கள் தெரிவிக்கின்றனர். அதனால், சுப நிகழ்ச்சிகளுக்காக தங்கம் வாங்க இதுவே சிறந்த நேரம். அதேநேரம், அதிகமாக முதலீடு செய்ய வேண்டாம் எனவும் நிபுணர்கள் எச்சரிக்கின்றனர்.
News March 20, 2026
விண்வெளியில் 129 இஸ்ரோ கழிவுகள்
இஸ்ரோ மூலம் ஏவப்பட்ட ராக்கெட்டுகள் மற்றும் செயலிழந்த செயற்கைக்கோள்களின் 129 கழிவுகள் விண்வெளியில் இருப்பதாக மத்திய அரசு நாடாளுமன்றத்தில் தெரிவித்துள்ளது. இவற்றில் 49 பயனற்ற செயற்கைக்கோள்கள், 40 PSLV துண்டுகள், 4 GSLV துண்டுகள், 3 LVM3 சிதைவுகள், PSLV-C3 ராக்கெட் பாகம் உடைந்ததால் உருவான 33 துண்டுகள் ஆகியவை அடங்கும்.
News March 20, 2026
‘ஜன நாயகன்’ ரிலீஸ்.. தேர்தல் அதிகாரியின் அப்டேட்!
ஆட்சேபனை காட்சிகள் அதிகம் இருந்தால் ‘ஜன நாயகன்’ வெளியீட்டை ஒத்திவைக்க முடியும் என Ex தலைமை தேர்தல் ஆணையர் கோபால்சுவாமி தெரிவித்துள்ளார். அவசியப்பட்டால் பட காட்சிகளை நீக்கலாம் என்று கூறிய அவர், படத்தில் உள்ள கருத்தை பொறுத்தே அதனை முடிவு செய்வார்கள் என தெரிவித்தார். படத்தின் மறு ஆய்வு முடிவடைந்த நிலையில், தேர்தல் நடத்தை விதிகள் காரணமாக தேர்தல் ஆணையத்தின் ஒப்புதலுக்கு படம் அனுப்பப்பட்டுள்ளது.