News May 1, 2024
சந்தையில் பட்டியலிடப்படாத கோத்ரெஜ் சொத்துகள் யாருக்கு?
கோத்ரெஜ் பங்கு பிரிப்புக்குப் பிறகு, ஜம்ஷித் மற்றும் ஸ்மிதா ஆகியோருக்கு சந்தையில் பட்டியலிடப்படாத கோத்ரெஜ் எண்டர்பிரைசஸான கோத்ரெஜ் மற்றும் போய்ஸ் உள்ளிட்ட துணை நிறுவனங்கள் வழங்கப்படவுள்ளன. இதன் தலைவராக ஜம்ஷித் கோத்ரெஜ் இருப்பார். அவரது சகோதரி ஸ்மிதாவின் மகள் நைரிகா ஹோல்கர் நிர்வாக இயக்குநராக இருப்பார். மேலும், மும்பையில் உள்ள 3,400 ஏக்கர் நிலம் உள்ளிட்ட பிரதான சொத்துகளையும் அவர்கள் பெறவுள்ளனர்.
Similar News
News February 1, 2026
அரையிறுதிக்குள் நுழைந்தது இந்திய அணி!
U19 WC பாக்.,க்கு எதிரான சூப்பர் சிக்ஸ் போட்டியில் முதலில் பேட்டிங் செய்த இந்திய அணி 253 ரன்களை இலக்காக நிர்ணயித்தது. இதையடுத்து களமிறங்கிய பாக்., அணி 46.2 ஓவர்களில் 194 ரன்களுக்கு ஆல் அவுட்டானது. இதன்மூலம் 58 ரன்களில் வென்ற இந்திய அணி, அரையிறுதிக்குள் நுழைந்தது. ஆஸி., ஆப்கன் & இங்கி., ஆகியவை ஏற்கெனவே அரையிறுதிக்கு தங்கள் இடங்களை உறுதி செய்துள்ளன.
News February 1, 2026
கருப்பு, சிவப்பு, நீலம் ஒளிர வேண்டும்: CM ஸ்டாலின்
சமத்துவ சமுதாயம் அமைப்பதே திராவிட இயக்கத்திற்கும் கம்யூனிஸ்ட் இயக்கத்திற்கும் இருக்கும் ஒரே இலக்கு என்று இந்திய கம்யூ., கட்சியின் நூற்றாண்டு விழாவில் CM ஸ்டாலின் பேசியுள்ளார். கருப்பு, சிவப்பு, நீலம் கொள்கைகள் நிலைபெற வேண்டும் என்பதே எனது விருப்பம். இந்தியாவின் வளர்ச்சிக்கு இந்த ஒற்றுமை தேவை எனக் கூறிய அவர், திமுக, கம்யூனிஸ்ட் இடையிலான இந்த தோழமை பாசிசத்தை, சர்வாதிகாரத்தை வேரறுக்கும் என்றார்.
News February 1, 2026
விஜய் + காங்., கூட்டணி.. முடிவை தெரிவித்த நாஞ்சில் சம்பத்
விஜய்யுடன் கூட்டணி வைக்க காங்., விரும்புவதை போல, விஜய்யும் காங்கிரசுடன் கூட்டணி வைக்க விரும்புகிறார் என நாஞ்சில் சம்பத் EXCLUSIVE தகவலை தெரிவித்துள்ளார். தென்னிந்தியாவை தங்கள் கையில் வைத்திருக்க விஜய் முகமாகவும், முதுகெலும்பாகவும் இருப்பார் என காங்., நம்புகிறது. இக்கூட்டணி அமைந்தால் இரு கட்சிகளுக்கும் லாபம் எனக் கூறிய அவர், விரைவில் விஜய் கூட்டணி முடிவை அறிவிக்க இருப்பதாகவும் தெரிவித்துள்ளார்.