News December 22, 2025
ALERT: குழந்தைகளின் ஆதாரை அப்டேட் செய்துவிட்டீர்களா?
குழந்தைகளின் பயோமெட்ரிக் விவரங்களை ஆதாரில் அப்டேட் செய்வது கட்டாயம் என UIDAI தெரிவித்துள்ளது. பள்ளி அட்மிஷன், அரசு திட்டங்களை பெறுவதில் ஏற்படும் சிக்கலை தவிர்க்க 5 -15 வயது குழந்தைகளின் கைரேகை, போட்டோக்களை அப்டேட் செய்ய அறிவுறுத்தியுள்ளது. இந்த சேவை 2026 செப்டம்பர் 30 வரை இலவசம் என்றும் கூறியுள்ளது. எனவே, பெற்றோர்களே உடனே அருகில் உள்ள ஆதார் சேவை மையத்தை அணுகுங்கள்.
Similar News
News January 14, 2026
PAK-க்கு இந்திய ராணுவ தளபதி எச்சரிக்கை!
கடந்த சில நாள்களாக எல்லையில் பாக்., <<18851779>>ட்ரோன்<<>> அத்துமீறல் அதிகரித்து வருகிறது. இந்நிலையில், இதனை இந்தியா ஒருபோதும் பொறுத்துக்கொள்ளாது என ராணுவ தளபதி உபேந்திர திவேதி எச்சரித்துள்ளார். இந்தியா தாக்குதல் நடத்துமோ என்ற அச்சத்தில் பாக்., ட்ரோன்களை ஏவுவதாக அவர் குறிப்பிட்டார். மேலும், சீனா, பாக்.,-க்கு போட்டியாக இந்தியா விரைவில் பிரத்யேக ‘ராக்கெட்-ஏவுகணை படை’ ஒன்றை உருவாக்க உள்ளதாகவும் அவர் தெரிவித்தார்.
News January 14, 2026
பாஜகவுடன் விஜய் கூட்டணியா? முடிவை அறிவித்தார்
BJP தங்களின் கொள்கை எதிரி என்பதில் உறுதியாக இருப்பதாக தவெக செய்தித் தொடர்பாளர் லயோலா மணி உறுதிப்படுத்தியுள்ளார். திருவெற்றியூரில் நடைபெற்ற பொங்கல் விழாவில் பேசிய அவர், தமிழகத்தில் BJP வளர்வது பெரும் ஆபத்து, அதனை ஒருபோதும் அனுமதிக்க மாட்டோம் என்றார். முன்னதாக BJP-வுடன் மென்மையான போக்கை கடைப்பிடிக்கும் தவெக, NDA கூட்டணியில் இணையும் என அமைச்சர் TM அன்பரசன் உள்ளிட்டோர் பேசி வந்தனர்.
News January 14, 2026
நிரந்தர கொரோனா போல் தாக்கும் மத்திய அரசு: ஸ்டாலின்
சூரியனைப் போற்றும் பொங்கல் நன்னாள், திமுகவிற்கு வெற்றிப் பொங்கலாக அமையட்டும் என ஸ்டாலின் தெரிவித்துள்ளார். நிரந்தர கொரோனா வைரஸ் போல, மத்திய அரசு தாக்கிக் கொண்டே இருக்கிறது. ஆனால், அதை மீறியும் முன்னணி மாநிலமாக தமிழ்நாடு திகழ்கிறது எனக் கூறிய அவர், நிரந்தரத் தடைகளை ஏற்படுத்த முயற்சிக்கும் சக்திகளை கடந்து, நிரந்தர மகிழ்ச்சியை மக்களுக்குத் தருவதுதான் திமுக அரசின் நோக்கம் என்றும் தெரிவித்துள்ளார்.