News December 17, 2025
ஆஸ்கரில் இந்திய திரைப்படம்!
ஆஸ்கருக்கு இந்தியா சார்பில் பரிந்துரைக்கப்பட்ட படமான ‘ஹோம் பவுண்ட்’, சிறந்த சர்வதேச திரைப்பட பிரிவின் கீழ் நாமினேஷனுக்கான தகுதி பட்டியலில் (15 படங்கள்) இடம்பிடித்து சாதனை படைத்துள்ளது. கரண் ஜோஹர் தயாரிப்பில், நீரஜ் கய்வான் இயக்கிய இந்த படத்தில், இஷான் கட்டர், ஜான்வி கபூர், விஷால் ஜேத்வா உள்ளிட்டோர் நடித்திருந்தனர். இந்த பட்டியலில் இருந்து, இறுதி நாமினேஷன் பட்டியல் ஜன.22-ல் அறிவிக்கப்படவுள்ளது.
Similar News
News December 21, 2025
விஜய்யிடம் இதை LIKE பண்ணேன்: நாஞ்சில் சம்பத்
விஜய்யிடம் உள்ள துணிச்சலை பார்த்து ஆச்சர்யப்பட்டேன் என நாஞ்சில் சம்பத் கூறியுள்ளார். அரசியலில் 4 சீட்டுகளுக்காக தங்களை குறுக்கிக்கொள்ள உயர்ந்த தலைவர்களே தயாராகிவிட்டார்கள் எனவும், ஆனால் இப்போது அரசியலுக்கு வந்த விஜய், பாஜகவையும் திமுகவையும் தைரியமாக எதிர்கிறார் என்று பாராட்டினார். மேலும், விஜய்யின் இந்த துணிச்சலுக்கு முன்னால் மலைகூட தனக்கு ஒரு குன்றாக தெரிவதாகவும் பேசியுள்ளார்.
News December 21, 2025
10 வருஷம் கள்ள ஓட்டு கண்ணுக்குத் தெரியலையா?
வரைவு வாக்காளர் பட்டியலில் நீக்கப்பட்ட பலர் அதிமுக ஆட்சியில் சேர்க்கப்பட்டவர்கள் என்று செந்தில் பாலாஜி விமர்சித்துள்ளார். கள்ள ஓட்டு தொடர்பான <<18619007>>நயினார் நாகேந்திரனின்<<>> கருத்துக்கு பதிலளித்த அவர், 10 வருடமாக அதிமுகவுடன் கூட்டணியில் இருந்தபோது, இந்த கள்ள ஓட்டுகள் கண்ணுக்குத் தெரியவில்லையா என்று கேள்வி எழுப்பியுள்ளார். மேலும், அப்போது நல்ல ஓட்டாக இருந்தது இப்போது கள்ள ஓட்டாகிவிட்டதா எனவும் கேட்டுள்ளார்.
News December 21, 2025
சாதி, மத உணர்வுகளை தூண்டுவது ஆபத்தானது: திருமா
மதுரையை சனாதன மையமாக மாற்ற பார்ப்பதாக திருமாவளவன் விமர்சித்துள்ளார். திருப்பரங்குன்றம் விவகாரத்தை குறிப்பிட்டு பேசிய அவர், சனாதன எதிர்ப்பே உண்மையான தமிழ் தேசியம் எனவும் தெரிவித்துள்ளார். அத்துடன், ஜனநாயக உணர்வை சொல்லிக் கொடுப்பதற்கு பதிலாக சாதி, மத உணர்வுகளை தூண்டுவது மிகவும் ஆபத்தான செயல் எனவும் எச்சரித்துள்ளார்.