News December 17, 2025
டிசம்பர் 19 விவசாயக் குறைதீர்க்கும் நாள் கூட்டம்!

சேலம் மாவட்டத்தைச் சேர்ந்த விவசாயிகளுக்கான மாதாந்திர குறைதீர்க்கும் கூட்டம் வருகின்ற 19ஆம் தேதி வெள்ளிக்கிழமை காலை பத்தரை மணியளவில் மாவட்ட ஆட்சித் தலைவர் அலுவலகத்தில் நடைபெற உள்ளதாக மாவட்ட ஆட்சித்தலைவர் பிருந்தா தேவி அறிக்கையின் வாயிலாக தெரிவித்துள்ளார். இந்த கூட்டத்தில் விவசாயிகள் விவசாய சங்க பிரதிநிதிகள் பங்கேற்று விவசாயம் தொடர்பான குறைகளை நிவர்த்தி செய்து கொள்ளலாம் என்றும் தெரிவித்துள்ளார்.
Similar News
News December 19, 2025
விசைத்தறி நவீனமயமாக்க ரூ.10 லட்சம் வரை மானியம்!

விசைத்தறிகளை நவீனமயமாக்கும் திட்டத்தின்கீழ், பழைய தறிகளை ரேப்பியர் தறிகளாக மாற்ற அதிகபட்சம் ₹10 லட்சம், புதிய ரேப்பியர் தறிகள் வாங்க 20% மானியமும் வழங்கப்படுகிறது. மேலும், வார்ப்பிங் மற்றும் சைசிங் போன்ற பொது வசதி மையங்கள் அமைக்க ₹60 லட்சம் வரை மானியம் உண்டு. விருப்பமுள்ள நெசவாளர்கள் சேலம் மாவட்ட ஆட்சியர் அலுவலகத்தை அணுகி பயன்பெறலாம் என மாவட்ட ஆட்சியர் இரா.பிருந்தாதேவி தெரிவித்துள்ளார்.
News December 19, 2025
BIG BREAKING: சேலத்தில் 3,62,439 வாக்காளர்கள் நீக்கம்!

SIR பணிகளைத் தொடர்ந்து வரைவு வாக்காளர் பட்டியலை சேலம் மாவட்ட ஆட்சியர் பிருந்தா தேவி இன்று வெளியிட்டுள்ளார். சேலம் மாவட்டத்தில் உள்ள 11 சட்டமன்றத் தொகுதிகளில் மொத்தம் 3,62,439 வாக்காளர்கள் நீக்கப்பட்டுள்ளனர். இதில் இறந்தவர்கள் -1,00,974, குடியிருப்பில் இல்லாதவர்கள் , முகவரி மாற்றம் உள்ளிட்ட இதரர் – 2,41,284 , இரட்டை பதிவு – 20,171 என மொத்தம் 3,62,439 வாக்காளர்கள் பெயர்கள் நீக்கப்பட்டுள்ளனர்.
News December 19, 2025
சேலம்: இலவச தையல் மிஷின் வேண்டுமா?

சத்யவாணி முத்து அம்மையார் நினைவு இலவச தையல் இயந்திரத் திட்டத்தின் கீழ் பொருளாதாரத்தில் பின்தங்கிய பெண்கள், மாற்றுத்திறனாளிகள் ஆகியோருக்கு இலவச தையல் இயந்திரங்கள் வழங்கப்படுகிறது. ஆண்டுக்கு ரூ.72,000-க்கும் கீழ் வருமானம் ஈட்டுபவர்கள் தங்கள் அருகில் உள்ள இ-சேவை மையம் மூலமாக இதற்கு விண்ணப்பிக்கலாம். மேலும் விபரங்களுக்கு மாவட்ட சமூக நலத்துறை அலுவலகத்தை அணுகவும். இந்த தகவலை SHARE செய்யவும்!


